ഇലക്ട്രിക് ഡബിള് ഡക്കര് ബസില് ഇനി തിരുവനന്തപുരത്തെ നഗര കാഴ്ചകള് കാണാം....
ഇലക്ട്രിക് ഡബിള് ഡക്കര് ബസില് ഇനി തിരുവനന്തപുരത്തെ നഗര കാഴ്ചകള് കാണാം.... . ബജറ്റ് ടൂറിസത്തിന് വേണ്ടി കെഎസ്ആര്ടിസി വാങ്ങിയ രണ്ട് ഓപ്പണ് ബസുകളിലൊന്നാണ് തലസ്ഥാനത്തെത്തിച്ചത്. നവകേരള ബസിന്റെ നിറത്തിലുള്ള ബസ് ട്രയല് റണ് നടത്തി ഈ മാസം അവസാനം സര്വീസ് ആരംഭിക്കും.
അതിഗംഭീരമായി രൂപകല്പ്പന ചെയ്ത ബസ് മുംബൈയില് നിന്നാണ് എത്തിയത്. സൗകര്യപ്രദമായ സീറ്റിംഗ് ആണ് ബസിന്റെ ഒരു പ്രത്യേകത. യാത്രക്കാര്ക്ക് ടിവി കാണാം, പാട്ട് കേള്ക്കാം. അഞ്ച് ക്യാമറകള് ബസിനകത്തുണ്ട്. താഴത്തെ നിലയില് 30 സീറ്റുകളാണുള്ളത്. മുകളിലാകട്ടെ 35 സീറ്റുകളുണ്ട്. ബസിന്റെ മുന്പിലൂടെയും പിന്നിലൂടെയും കയറാനാകും.
നഗര കാഴ്ചകള് മുഴുവന് ആസ്വദിക്കാനായി കഴിയുന്ന വിധത്തില് മുകളിലത്തെ നില തുറന്നുകിടക്കുന്നു. പത്മനാഭസ്വാമിക്ഷേത്രം, ഭീമപള്ളി, ശംഖുമുഖം, പാളയം തുടങ്ങി തിരുവനന്തപുരത്തെ പ്രധാന സ്ഥലങ്ങളിലൂടെയൊക്കെ ബസ് പോകും.
കെഎസ്ആര്ടിസി സ്വിഫ്റ്റിന്റെ ഉടമസ്ഥതയിലാണ് ബസ്. ഓപ്പറേറ്റ് ചെയ്യുന്നതും സ്വിഫ്റ്റാണ്. ഇലക്ട്രിക് ബസുകളുടെ വിജയമാണ് ബജറ്റ് ടൂറിസത്തിനും ഈ ബസ് ഉപയോഗിക്കാന് തീരുമാനിക്കാനുള്ള കാരണം. ഈ മാസം അവസാനത്തോടെ ബസ് സര്വീസ് ആരംഭിക്കും.
"
https://www.facebook.com/Malayalivartha
