അഗസ്ത്യനെ കാണാന്.... അഗസ്ത്യാര്കൂട യാത്രയ്ക്ക് ഇന്ന് തുടക്കമാകും...
അഗസ്ത്യാര്കൂട യാത്രയ്ക്ക് ഇന്ന് തുടക്കമാകും. പശ്ചിമഘട്ടത്തിലെ മലനിരകളില് തെക്കേയറ്റത്ത് സ്ഥിതി ചെയ്യുന്ന അഗസ്ത്യാര്കൂടം കേരളത്തിലെ ഉയരം കൂടിയ മലനിരകളില് മൂന്നാം സ്ഥാനമാണുള്ളത്.
നെയ്യാര്, പേപ്പാറ വന്യജീവി സങ്കേതങ്ങള്, തമിഴ്നാട്ടിലെ കളക്കാട് - മുണ്ടന്തുറ കടുവാ സങ്കേതം എന്നിവയാണ് അഗസത്യാര്കൂടത്തെ വലയം ചെയ്യുന്നത്.
ഈ വനപ്രദേശം വിവിധങ്ങളായ ഔഷധസസ്യങ്ങള്, ആരോഗ്യപച്ച, ഡ്യുറി ഓര്ക്കിഡ്, ചെങ്കുറുഞ്ഞി, കൊണ്ടപ്പന തുടങ്ങിയ തദ്ദേശീയമായ സസ്യങ്ങളുടെയും കലവറയാണ് . നിത്യഹരിതവനം, ആര്ത്തവ്യത്യഹരിതവനം, ഇലകൊഴിയും വനം, പുല്മേട്, ഈറ്റക്കാടുകള്, ചോല വനം, ഗിരി വനം എന്നിങ്ങനെ വ്യത്യസ്തതകളുള്ള പ്രദേശവുമാണിവിടം.
കടുവ,പുലി ആന, കാട്ടുപോത്ത്, കരടി, മാനുകള് വിവിധതരം കുരങ്ങു വര്ഗങ്ങള്, മലമുഴക്കി വേഴാമ്പല്, മല മൈന, മാക്കാച്ചിക്കാട എന്നിങ്ങനെയുള്ള അപൂര്വയിനം പക്ഷികള്, രാജവെമ്പാല, മലമ്പാമ്പ്, അണലി ഉള്പ്പെടെയുള്ള ഉരഗങ്ങള് എന്നിങ്ങനെ ധാരാളം വന്യജീവികള് ഇവിടെ അധിവസിക്കുന്നുണ്ട്.
യുനെസ്കോയുടെ പൈതൃക പട്ടികയില് ഉള്പ്പെടുത്തി ജൈവ സഞ്ചയ മേഖലയായി പ്രഖ്യാപിച്ച അഗസ്ത്യമല ബയോസ്ഫിയര് റിസര്വിന്റെ ഹൃദയഭാഗമാണ്. ആദിമ നിവാസികളായ കാണിക്കാര് ഇവിടെ തിങ്ങിപാര്ക്കുകയും ചെയ്യുന്നു.
https://www.facebook.com/Malayalivartha
