സഞ്ചാരികളുടെ ശ്രദ്ധയ്ക്ക്... തുഷാരഗിരി ഇക്കോ ടൂറിസം കേന്ദ്രത്തിലെ മഴവില്ച്ചാട്ടം, തുമ്പി തുള്ളുംപാറ വെള്ളച്ചാട്ടങ്ങളിലേക്കുള്ള പ്രവേശനം പുനരാരംഭിച്ചു...
സഞ്ചാരികളുടെ ശ്രദ്ധയ്ക്ക്... തുഷാരഗിരി ഇക്കോ ടൂറിസം കേന്ദ്രത്തിലെ മഴവില്ച്ചാട്ടം, തുമ്പി തുള്ളുംപാറ വെള്ളച്ചാട്ടങ്ങളിലേക്കുള്ള പ്രവേശനം പുനരാരംഭിച്ചു...
മഴക്കാലം തുടങ്ങി വെള്ളം കൂടുതലായ സാഹചര്യത്തിലായിരുന്നു രണ്ടും മൂന്നും വെള്ളച്ചാട്ടങ്ങള് കാണാന് സന്ദര്ശകര്ക്കുള്ള അനുമതി നിര്ത്തിവെച്ചിട്ടുണ്ടായിരുന്നത്. ഇപ്പോള് വെള്ളം കുറഞ്ഞ സാഹചര്യത്തിലാണ് വെള്ളച്ചാട്ടങ്ങള് കാണാനായി സന്ദര്ശകര്ക്കുള്ള അനുമതി പുനഃസ്ഥാപിച്ചത്. താമരശ്ശേരി റെയ്ഞ്ച് ഫോറസ്റ്റ് ഓഫീസറുടെ റിപ്പോര്ട്ടിന്റെ അടിസ്ഥാനത്തിലാണ് നടപടിയെന്ന് കോഴിക്കോട് ഡിവിഷണല് ഫോറസ്റ്റ് ഓഫീസര് അറിയിച്ചു.
മൂന്ന് വെള്ളച്ചാട്ടങ്ങളില് നിലവില് ഒന്നാം വെള്ളച്ചാട്ടം മാത്രമാണ് സന്ദര്ശകര്ക്കായി തുറന്നുകൊടുത്തിട്ടുളളത്. മുതിര്ന്നവര്ക്ക് 40 രൂപയും കുട്ടികള്ക്ക് 20 രൂപയും വിദേശികള്ക്ക് 100 രൂപയുമാണ് നിലവിലെ ടിക്കറ്റ് നിരക്ക്. ഈ നിരക്കില് മൂന്ന് വെള്ളച്ചാട്ടവും സന്ദര്ശകര്ക്ക് കാണാവുന്നതാണ്.
ഒന്നാം വെള്ളച്ചാട്ടത്തില്നിന്നും രണ്ടും മൂന്നും വെള്ളച്ചാട്ടത്തിലേക്ക് എത്തുവാനായി ഏകദേശം ഒരുകിലോമീറ്ററോളം നടന്നുപോകേണ്ടതുണ്ട്. നിലവില് ഈ ഭാഗങ്ങളില് കാട്ടാനകളുടെ സ്ഥിരം സാന്നിധ്യമുണ്ട്. ആനക്കുട്ടിയും ഉള്ളതായി കണ്ടെത്തി. ആനക്കുട്ടം പെട്ടെന്ന് മാറിപ്പോകുവാന് സാധ്യത കുറവായതിനാല് സന്ദര്ശകര്ക്ക് സുരക്ഷാ ഭീഷണിയുമേറെയുണ്ട്.
"
https://www.facebook.com/Malayalivartha
