കുട്ടികളിൽ വായനാശീലം പ്രോത്സാഹിപ്പിക്കുന്നതിനും, വളർത്തുന്നതിനും വേണ്ടി ടെക്‌നോപാർക്കിലെ കമ്പനിയായ ഹോസ്റ്റ് ഡൈം ഡാറ്റാ സെന്റർ സർവീസസ് വായനാദിനത്തോടനുബന്ധിച്ച് ജൂൺ 19ന് വിവിധ തരത്തിലുള്ള പുസ്തകങ്ങൾ ശ്രീകാര്യം ഗവൺമെൻറ് ഹൈസ്കൂളിലെ ഹെഡ്മിസ്ട്രസ് ശ്രീമതി സിന്ധുവിന്റെയും അവിടുത്തെ കുട്ടികളുടെയും സാന്നിധ്യത്തിൽ വായന വേദിയിൽ വെച്ച് കൈമാറി.

അക്കാദമികവും, മാനസികവും വ്യക്തിപരവുമായ വളർച്ചയ്ക്ക് ഈ പുസ്തക ശേഖരം കുട്ടികൾക്കും മുതിർന്നവർക്കും ഒരുപോലെ ഉപയോഗപ്രദമാകുമെന്ന് കമ്പനി പ്രതീക്ഷിക്കുന്നു. ഇന്നത്തെ കുട്ടികൾ നാളെയുടെ വാഗ്ദാനമാണ്. അതുകൊണ്ട് തന്നെ വായിച്ചു വളരുക എന്ന സന്ദേശമാണ് ഈ ഉദ്യമത്തിന് ആധാരം.