ജിഎസ്ടി നിരക്ക് കുറച്ചെങ്കിലും ഇലക്ട്രോണിക്സ് ഉപകരണങ്ങളുടെ വില വര്ദ്ധിപ്പിക്കാനൊരുങ്ങി കമ്പനികള്
ജിഎസ്ടി നിരക്ക് കുറച്ചെങ്കിലും വില കൂട്ടാന് കമ്പനികള് തീരുമാനിച്ചതോടെ നികുതി നിരക്കിലുണ്ടായ ഇളവ് ഉപഭോക്താക്കള്ക്ക് ലഭിക്കാതെ പോകുന്നു. ഇലക്ട്രോണിക് ഉപകരണങ്ങളുടെ ജിഎസ്ടി 28 ല് നിന്നും 18ലേക്ക് കുറച്ചിരുന്നു. എന്നാല് രൂപയുടെ മൂല്യമിടഞ്ഞതിനെത്തുടര്ന്ന് ഇറക്കുമതി ചെയ്യുന്ന ഉപകരണ ഭാഗങ്ങള്ക്ക് വിലവര്ദ്ധിച്ചതിനാലാണ് ഇലക്ട്രോണിക് ഉല്പ്പന്നങ്ങളുടെ വില വിര്ദ്ധിപ്പിക്കാന് കാരണമെന്നാണ് കമ്പനികളുടെ വാദം. ഇതിനാല് വിലയില് മൂന്ന് ശതമാനം മുതല് ആറ് ശതമാനം വരെ വില ഉയര്ന്നേക്കും.
പ്രമുഖ ബ്രാന്ഡുകളായ സാംസങും എല്ജിയും വിലവര്ദ്ധന പ്രഖ്യാപിച്ചു കഴിഞ്ഞു. ബ്രാന്റഡ് ടിവി സെറ്റുകള്ക്ക് ഓണ്ലൈനില് 1,000 രൂപയിലേറെ വര്ദ്ധിച്ചേക്കുമെന്നാണറിയുന്നത്. സെപ്റ്റംബറോടെ വില വര്ദ്ധന ദൃശ്യമായി തുടങ്ങാനാണ് സാധ്യത.
പ്രമുഖ ലാപ് ടോപ് നിര്മ്മാതാക്കളായ ലനോവ തങ്ങളുടെ ഉല്പ്പന്നങ്ങള്ക്ക് മൂന്ന് മുതല് നാല് ശതമാനം വരെ വിലവര്ദ്ധിപ്പിക്കാനൊരുങ്ങുകയാണ്.
https://www.facebook.com/Malayalivartha