പ്രശസ്ത സ്മാര്‍ട് ഫോണ്‍ നിര്‍മാതാക്കളായ വണ്‍ പ്ലസിന്റെ ഏറ്റവും പുതിയ മോഡലായ വണ്‍ പ്ലസ് 5 ടിയുടെ ലാവ റെഡ് വേരിയന്റ് ഇന്ന് മുതല്‍ ഇന്ത്യന്‍ വിപണിയില്‍ വാങ്ങാം. ഇന്ന് 12 മണിമുതല്‍ ആമസോണിലൂടെയും വണ്‍ പ്ലസ് സ്‌റ്റോറിലൂടെയുമാണ് വില്‍പന. ബംഗളൂരു, ഡല്‍ഹി, മുംബൈ എന്നിവിടങ്ങളിലെ തിരഞ്ഞെടുത്ത ക്രോമ സ്‌റ്റോറുകളിലും ഫോണ്‍ ലഭ്യമാണ്. വില 37,999 രൂപയാണ്. മിഡ്‌നൈറ്റ് ബ്ലാക്, സ്റ്റാര്‍ വാര്‍സ് എന്നീ നിറങ്ങളിലുള്ള മോഡലുകളാണ് വണ്‍ പ്ലസിന്റെതായി മുമ്പ് ഇറങ്ങിയിരുന്നത്. സ്റ്റാര്‍ വാര്‍സ് മോഡലിന് ലഭിച്ച വലിയ സ്വീകാര്യതയാണ് ലാവ റെഡ് പരീക്ഷണത്തിലേക്ക് വണ്‍ പ്ലസിനെ നയിച്ചത്. പുതിയ കളര്‍ വേരിയന്റിന് ടെക്‌സ്ചര്‍ നിലനിര്‍ത്താനായി ഡബിള്‍ ബ്ലാസ്റ്റിങ്ങും എ.എഫ് കോട്ടിങ്ങും നല്‍കിയിട്ടുണ്ട്. പ്രത്യേക വാള്‍പേപ്പറും 5ടിയെ മനോഹരമാക്കുന്നു.

വണ്‍ പ്ലസിന്റെ 8 ജി.ബി വാരിയന്റിലുള്ള മറ്റ് 5 ടികളുടെ അതേ വിലയാണ് ലാവ റെഡ് വേരിയന്റിനും. 8 ജി.ബി റാമും 128 ജി.ബി ഇന്‍േറണലുമുള്ള ഒറ്റ മോഡല്‍ മാത്രമേ ചുവന്ന കളറില്‍ ലഭിക്കുകയുള്ളൂ. കഴിഞ്ഞ വര്‍ഷം നവംബറിലാണ് വണ്‍ പ്ലസ് അവരുടെ ഹിറ്റായ 'ടി' വേരിയന്റിലേക്ക് വണ്‍ പ്ലസ് 5 നെ കൂടി ചേര്‍ത്തത്. നേരത്തെ '3 ടി' വന്‍ വിജയമായിരുന്നു. പ്രമുഖ സ്മാര്‍ട് ഫോണ്‍ റാങ്കിങ്ങുകളിലെല്ലാം ഇപ്പോള്‍ മുന്‍ നിരയിലാണ് 5 .

മറ്റ് കമ്പനികള്‍ അവരുടെ 60,000 രൂപക്ക് മുകളില്‍ വില വരുന്ന ഫ്‌ലാഗ്ഷിപ്പുകളില്‍ ഉള്‍പെടുത്തുന്ന നൂതന സംവിധാനങ്ങള്‍, വണ്‍ പ്ലസ്, 40,000 രൂപയില്‍ താഴെ മാത്രം വരുന്ന അവരുടെ മോഡലുകളില്‍ ഉള്‍പെടുത്തുകയും വന്‍ ജനപ്രീതി കൈവരിക്കുകയുമായിരുന്നു. 6.01 ഇഞ്ച് ഫുള്‍ എച്ച് ഡി പ്ലസ് ഫുള്‍ ഒപ്ടിക് അമോഎല്‍.ഇ.ഡി ഡിസ്‌പ്ലേ, 18.5.9 ആസ്പക്ട് റേഷ്യോയുള്ള സ്‌ക്രീന്‍ അഴകുള്ളതാണ്. സ്‌നാപ്ഡ്രാഗണ്‍ 835 പ്രൊസസറാണ് കരുത്ത് പകരുന്നത്. 6,8 ജി.ബി റാമുകളുള്ള മോഡലുകളുണ്ട്. 128 ജി.ബിയാണ് ഇന്‍േറണല്‍ മെമ്മറി.

16 മെഗാ പിക്‌സല്‍ 20 മെഗാ പിക്‌സല്‍ സെന്‍സറുകളുള്ള ഡ്വുവല്‍ കാമറ മികച്ച ചിത്രങ്ങള്‍ നല്‍കുന്നത്. 3300 എം.എ.എച്ച് ബാറ്ററി തുടര്‍ച്ചയായ ഉപയോഗത്തിലും ഒരു ദിവസം നില നില്‍കും. ഫെയിസ് അണ്‍ലോക്കിങും ഫാസ്റ്റ് ചാര്‍ജിങ്ങുമാണ് മറ്റ് സവിശേഷതകള്‍.