പാപ്പച്ചൻ ഒളിവിലാണ് എന്ന ചിത്രത്തിലൂടെ ശ്രദ്ധേയനായ സിന്റോ സണ്ണി സംവിധാനം ചെയ്യുന്ന പുഞ്ചിരി മുറ്റത്ത് ഇട്ടിക്കോര എന്ന ചിത്രത്തിൻ്റെ ചിത്രീകരണം ആരംഭിച്ചു. കൊച്ചിയിലാണ് ഷൂട്ടിംങ് തുടങ്ങിയിരിക്കുന്നത്. തൃപ്പൂണിത്തുറയിലും പരിസരങ്ങളിലുമായി പുരോഗമിക്കുകയാണ്. ബെൻഹർഫിലിംസിൻ്റെ ബാനറിൽ ബിജു ആൻ്റെണിയാണ് ചിത്രത്തിന്റെ നിർമാണം.

നഗര ജീവിതത്തിൻ്റെ ഒരു നേർക്കാഴ്ച്ചയാണ് ചിത്രം. നഗരജീവിതത്തിൻ്റെ തിരക്കിൽ ബന്ധങ്ങളും, സൗഹൃദങ്ങളുമെല്ലാം നഷ്ട്ടപ്പെട്ട്പോകുന്ന ഒരു സംഘം മനുഷ്യരുടെ ഇടയിലേക്ക് തികച്ചും അപ്രതീക്ഷിതമായി പുഞ്ചിരി മുറ്റത്ത് ഇട്ടിക്കോര എന്നൊരാൾ കടന്നു വരുന്നു. പിന്നീട് ഈ നാട്ടിലുണ്ടാകുന്ന അത്ഭുതകരമായ മാറ്റങ്ങളാണ് നർമ്മമുഹൂർത്തങ്ങളിലൂടെ ചിത്രത്തിലൂടെ അവതരിപ്പിക്കുന്നത്.

മനുഷ്യൻ്റെ മനസ്സിൽ നൻമയുടെ വെളിച്ചം പകരുന്ന നിരവധി മുഹൂർത്തങ്ങൾ കോർത്തിണക്കിയ ചിത്രം കൂടിയാണിത്. പുഞ്ചിരി മുറ്റത്ത് ഇട്ടിക്കോര എന്ന കേന്ദ്ര കഥപാത്രത്തെ അവതരിപ്പിക്കുന്നത് തിങ്കളാഴ്ച്ച നിശ്ചയം എന്ന ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ച് ശ്രദ്ധ നേടിയ മനോജ് കെ.യു. ആണ്.

ഹന്നാ റെജി കോശിയാണു നായിക. രജനീകാന്ത്-മഞ്ജു വാര്യർ ചിത്രമായ വേട്ടയ്യനിൽ മുഖ്യ വേഷത്തിലെത്തിയ തൻമയ സോൾ ഈ ചിത്രത്തിൽ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു. ജാഫർ ഇടുക്കി, ജയിംസ് എല്യാ, വിനീത് തട്ടിൽ, പ്രമോദ് വെളിയനാട്, സജിൻ ചെറുകയിൽ, കലാഭവൻ റഹ്മാൻ, ശ്രുതി ജയൻ, ശ്രീധന്യ, ആർട്ടിസ്റ്റ് കുട്ടപ്പൻ, മനോഹരിയമ്മ, പൗളി വത്സൻ, ഷിനു ശ്യാമളൻ, ജസ്നിയാ കെ. ജയദീഷ്, തുഷാരാ, അരുൺ സോൾ, പ്രിയാ കോഴിക്കോട് എന്നിവരും പ്രധാന വേഷങ്ങളിലെത്തുന്നു.

ബിജു ആൻ്റണിയാണ് കഥയും തിരക്കഥയും, സംഭാഷണവും, സംഗീതം - ശങ്കർ ശർമ്മ, ഛായാഗ്രഹണം - റോജോ തോമസ്. എഡിറ്റിംഗ് - അരുൺ. ആർ.എസ്.,കലാസംവിധാനം സൂരജ് കുറവിലങ്ങാട്.,മേക്കപ്പ് -കിരൺ രാജ്, കോസ്റ്റ്യും ഡിസൈൻ - സുജിത് മട്ടന്നൂർ,ചീഫ് അസ്സോസ്സിയേറ്റ്ഡ യറക്ടർ - ഷാബിൽ അസീസ്.,അസ്സോസ്സിയേറ്റ് ഡയറക്ടർ - സച്ചി ഉണ്ണികൃഷ്ണൻ,ക്രിയേറ്റീവ് കോൺട്രിബ്യൂട്ടർ - മജുരാമൻ, പ്രൊഡക്ഷൻ എക്സിക്കുട്ടീവ് പ്രശാന്ത് കോടനാട്.,പ്രൊഡക്ഷൻ - കൺട്രോളർ സഫി ആയൂർ.