കൊച്ചിയില്‍ നിന്ന് കുവൈറ്റിലേക്ക് ജസീറ എയര്‍വേയ്‌സ് ആഴ്ചയില്‍ നാല് ദിവസം നേരിട്ടുള്ള സര്‍വീസ് ആരംഭിച്ചു. കുവൈറ്റിലെ ബഡ്ജറ്റ് വ്യോമയാന കമ്പനിയായ ജസീറ ഇന്ത്യയിലേക്ക് ആരംഭിച്ച മൂന്നാമത്തെ സര്‍വീസാണിത്.

തിങ്കള്‍, ചൊവ്വ, വ്യാഴം, ഞായര്‍ ദിനങ്ങളില്‍ രാത്രി 8.55ന് പുറപ്പെടുന്ന വിമാനം 12.45ന് കുവൈറ്റിലെത്തും. തിരികെ 12.45ന് പുറപ്പെട്ട് രാത്രി 8ന് കൊച്ചിയിലെത്തും. ഈമാസം 18ന് ആരംഭിച്ച സര്‍വീസിന് മികച്ച പ്രതികരണമാണ് ലഭിക്കുന്നതെന്ന് ജസീറ എയര്‍വേയ്‌സ് വൈസ് പ്രസിഡന്റ് അന്‍ഡ്രൂ വാര്‍ഡ് പറഞ്ഞു. കുറഞ്ഞ നിരക്കില്‍ യാത്ര ചെയ്യന്‍ ജസീറ സൗകര്യം ഒരുക്കിയിട്ടുണ്ട്.
ഹൈദരാബാദ്, അഹമ്മദാബാദ് എന്നിവിടങ്ങളിലേക്ക് നേരത്തെ സര്‍വീസ് ആരംഭിച്ചിരുന്നു. മുംബെയിലേക്ക് അടുത്തമാസം സര്‍വീസ് ആരംഭിക്കും. സര്‍വീസിന്റെ ഔദ്യോഗിക ഉദ്ഘാടന ചടങ്ങില്‍ കൊച്ചി വിമാനത്താവള കമ്പനി ഡയറകടര്‍ എ.സി.കെ. നായരും പങ്കെടുത്തു.