റിസര്വ് ബാങ്ക് നടപ്പു സാമ്പത്തിക വര്ഷത്തെ അവസാന ധനനയം ഇന്ന് പ്രഖ്യാപിക്കും, പലിശ നിരക്ക് കുറയ്ക്കാനിടയില്ലെന്ന് സൂചന
റിസര്വ് ബാങ്ക് നടപ്പു സാമ്പത്തിക വര്ഷത്തെ അവസാന ധനനയം ഇന്ന് പ്രഖ്യാപിക്കും. ആറംഗ ധനനയ നിര്ണയ സമിതിയുടെ (എം.പി.സി) യോഗശേഷം ഉച്ചയ്ക്ക് 2.30നാണ് ധനനയം പ്രഖ്യാപിക്കുക. റീട്ടെയില് നാണയപ്പെരുപ്പം ഡിസംബറില് 17 മാസത്തെ ഉയരമായ 5.21 ശതമാനത്തിലെത്തിയത് ചൂണ്ടിക്കാട്ടി പലിശനിരക്ക് ഇന്ന് കുറയ്ക്കാനിടയില്ലെന്നാണ് സൂചന. ഇതിന് മുമ്പ് ആഗസ്റ്റിലാണ് റിസര്വ് ബാങ്ക് പലിശ കുറച്ചത്. അന്ന് റിപ്പോനിരക്ക് കാല് ശതമാനം കുറച്ച് ആറ് ശതമാനമാക്കിയിരുന്നു.
ക്രൂഡോയില് വിലക്കുതിപ്പ്, ഗ്രാമീണ മേഖലയ്ക്ക് ഉണര്വേകുന്ന കേന്ദ്ര ബഡ്ജറ്റ് എന്നിവ വരും നാളുകളില് നാണയപ്പെരുപ്പം കൂടുതല് ഉയരാന് കളമൊരുക്കുമെന്നാണ് റിസര്വ് ബാങ്കിന്റെ വിലയിരുത്തല്.
https://www.facebook.com/Malayalivartha