200 പുതിയ മാരുതി സുസുക്കി സ്വിഫ്റ്റുകള്‍ ഒറ്റദിവസം വിറ്റഴിച്ച് മാരുതി കേരള റീജിയണ്‍ ചരിത്രം സൃഷ്ടിച്ചു. ഹോട്ടല്‍ ലെ മെറിഡിയനില്‍ നടന്ന ചടങ്ങില്‍ മാരുതി ഡീലര്‍മാരുടെയും ഒഫീഷ്യല്‍സിന്റെയും സാന്നിദ്ധ്യത്തില്‍ മാരുതി സുസുക്കി റീജിയണല്‍ മാനേജര്‍ പീറ്റര്‍ ഐപ്പ് താക്കോലുകള്‍ കൈമാറി. 

രാജ്യത്തെ ഏറ്റവും വലിയ വാഹന നിര്‍മ്മാണ കമ്പനിയായ മാരുതി സുസുക്കിയുടെ കേരള റീജിയണിനാണ് ഏറ്റവുമധികം സ്വിഫ്റ്റ് ഉപഭോക്താക്കള്‍ ഉള്ളതെന്ന് പീറ്റര്‍ ഐപ്പ് പറഞ്ഞു.

പ്രതിവര്‍ഷം 20,000ല്‍ കൂടുതല്‍ സ്വിഫ്റ്റ് കാറുകളാണ് കേരളത്തില്‍ വിറ്റഴിക്കുന്നത്. പുതിയ ഫീച്ചറുകളും രൂപകല്പനയുമായി സ്വിഫ്റ്റിന്റെ മൂന്നാംപതിപ്പ് അടുത്തിടെ മാരുതി അവതരിപ്പിച്ചിരുന്നു.