കൊച്ചിന്‍ ഡ്യൂട്ടീഫ്രീ ഉപഭോക്താക്കള്‍ക്കായി ഡ്രൈവ്‌ യുവര്‍ ഡ്രീം' സമ്മാനപദ്ധതി നടപ്പാക്കുന്നു
കൊച്ചിന്‍ ഇന്റര്‍നാഷണല്‍ എയര്‍പോര്‍ട്ടിന്റ റീട്ടെയില്‍ വിഭാഗമായ കൊച്ചിന്‍ ഡ്യൂട്ടീഫ്രീ ഉപഭോക്താക്കള്‍ക്കായി ഡ്രൈവ്‌ യുവര്‍ ഡ്രീം' സമ്മാനപദ്ധതി നടപ്പാക്കുന്നു. 30 ലക്ഷം രൂപയിലേറെ വിലയുള്ള ബി.എം.ഡബ്ല്യു എക്‌സ് വണ്‍ സീരിസ് കാറാണ് സമ്മാനമായി നല്‍കുന്നത്. മേയ് 31 വരെ കൊച്ചിന്‍ ഡ്യൂട്ടീഫ്രീയുടെ അറൈവല്‍/ഡിപ്പാര്‍ച്ചര്‍ ഷോപ്പുകളില്‍ നിന്ന് കുറഞ്ഞത് 50 ഡോളറിന് തുല്യമായ തുകയ്ക്ക് സാധനങ്ങള്‍ വാങ്ങുന്നവരില്‍ നിന്ന് നറുക്കെടുത്താണ് വിജയിയെ കണ്ടെത്തുക.
നൂറ് ഡോളറിന് സാധനങ്ങള്‍ വാങ്ങുന്നവര്‍ക്ക് രണ്ട് കൂപ്പണുകള്‍ ലഭിക്കും. കൊച്ചിന്‍ ഡ്യൂട്ടീഫ്രീയുടെ ഡിസംബര്‍ഫെബ്രുവരി സമ്മാന പദ്ധതിയുടെ ഭാഗമായി നല്‍കുന്ന ഹ്യൂണ്ടായ് കാറിനുവേണ്ടിയുള്ള നറുക്കെടുപ്പ് ഈമാസം നടക്കും.
പുതിയ അന്താരാഷ്ട്ര ടെര്‍മിനലായ ടി3യില്‍ 35,000 ചതുരശ്രയടി വിസ്തീര്‍ണത്തില്‍ വോക് ത്രൂ സൗകര്യത്തോടെയാണ് ഡ്യൂട്ടീഫ്രീ ഷോപ്പുകള്‍ ഒരുക്കിയിട്ടുള്ളത്. ലോകോത്തര ബ്രാന്‍ഡുകള്‍, സൂപ്പര്‍ മാര്‍ക്കറ്റ് ഉത്പന്നങ്ങള്‍ എന്നിവ ഇവിടെ ലഭിക്കും. ഉപഭോക്താക്കള്‍ക്ക് ഡ്യൂട്ടി ഫ്രീയുമായി ലൈവ് ചാറ്റ് നടത്താനുള്ള സൗകര്യം ംംം.രീരവശിറൗ്യേളൃലല.രീാ എന്ന വെബ്‌സൈറ്റിലുണ്ട്.
https://www.facebook.com/Malayalivartha
