എയര്‍ഇന്ത്യ വിമാനത്തില്‍ മധ്യഭാഗത്തിരുന്ന് യാത്ര ചെയ്യണമെങ്കില്‍ കൂടുതല്‍ പണം നല്‍കണം
എയര്‍ ഇന്ത്യ വിമാനത്തിന്റെ മുന്നിലെയും മധ്യഭാഗത്തെയും ഇരിപ്പിടങ്ങളില്‍ നടുവിലുള്ളതില്‍ യാത്രചെയ്യാനും കൂടുതല്‍ പണം നല്‍കണം. ആഭ്യന്തരവിമാനത്തിലും ചില അന്താരാഷ്ട്രവിമാനങ്ങളിലും നടുവിലെ സീറ്റുകള്‍ റിസര്‍വ് ചെയ്യുന്നതിന് 100 രൂപയാണ് നല്‍കേണ്ടത്. മിക്ക അന്താരാഷ്ട്ര വിമാനങ്ങളിലും ഈ സീറ്റിന് 200 രൂപയാണ് നിരക്ക്. അതല്ലെങ്കില്‍ വിമാനത്തിന്റെ ലക്ഷ്യസ്ഥാനമായ രാജ്യത്തെ നാണയം അടിസ്ഥാനമാക്കി ഈ നിരക്കിനൊത്ത തുക ഈടാക്കും.
മുന്‍നിരയിലെ ഇരിപ്പിടങ്ങള്‍ അടിയന്തരവാതിലിനും അന്താരാഷ്ട്രവിമാനങ്ങളില്‍ ഓരോ മേഖലയെയും തിരിക്കുന്ന ഭാഗത്തിനും തൊട്ടുള്ള ഇരിപ്പിടങ്ങള്‍ എന്നിവയ്ക്ക് ഇപ്പോള്‍ കൂടുതല്‍ തുക ഈടാക്കുന്നുണ്ട്. ഇവയ്ക്കിടയില്‍ കാലുവെക്കാന്‍ കൂടുതല്‍ സ്ഥലമുണ്ടെന്നതാണ് ഇതിനുകാരണം. മുന്നിലെയും നടുവിലെയും നിരയില്‍ ജനാലയോടു ചേര്‍ന്നതും നടവഴിയോടു ചേര്‍ന്നതുമായ ഇരിപ്പിടങ്ങള്‍ക്കും കൂടുതല്‍ പണം വാങ്ങുന്നുണ്ട്.
വിമാനം പുറപ്പെടുന്നതിന് നാലു മണിക്കൂര്‍ മുമ്പുവരെ അധികതുകയ്ക്ക് സീറ്റ് റിസര്‍വ് ചെയ്യാം. കുട്ടികള്‍ക്ക് പ്രത്യേകമായുള്ള സീറ്റിന് പണം ഈടാക്കില്ലെന്ന് എയര്‍ഇന്ത്യ അറിയിച്ചു.
https://www.facebook.com/Malayalivartha
