ഇപാന് സേവനത്തിന് തുടക്കം കുറിച്ച് ആദായനികുതി വകുപ്പ്
വളരെയധികം എളുപ്പത്തില് പാന് ലഭിക്കാനായി ഇപാന് സേവനത്തിന് തുടക്കം കുറിച്ച് ആദായനികുതി വകുപ്പ്. ആദായ നികുതി വകുപ്പിന്റെ പോര്ട്ടലില് ലോഗ് ഇന് ചെയ്ത് ഇപാന് സംവിധാനം ഉപയോഗപ്പെടുത്താനാവും. വ്യക്തികള്ക്ക് മാത്രമാവും പുതിയ സേവനം ആസ്വദിക്കാനാവുക.
ഹിന്ദു അണ്ഡിവൈഡഡ് ഫാമിലി, സ്ഥാപനങ്ങള്, ട്രസ്റ്റ്, കമ്പനികള് എന്നിവക്കൊന്നും പുതിയ സേവനം ലഭ്യമാവില്ല. ആദ്യം വരുന്നവര്ക്ക് ആദ്യമെന്ന രീതിയിലാവും ഇപാന് സേവനം നല്കുകയെന്ന് ആദായ നികുതി വകുപ്പ് വ്യക്തമാക്കിയിട്ടുണ്ട്. ഇപാന് ലഭിക്കുന്നതിനായി പ്രത്യേകിച്ച് രേഖകളൊന്നും നല്കേണ്ടതില്ല. ആധാര് വിവരങ്ങളുടെ അടിസ്ഥാത്തിലാവും ഇപാന് നല്കുക. ഇതിനൊപ്പം ഒപ്പ് കൂടി അപ്ലോഡ് ചെയ്യണം.
ഇപാനിനായി ഓണ്ലൈന് അപേക്ഷ നല്കിയതിന് ശേഷം ആധാര് നമ്പറുമായി ബന്ധിപ്പിച്ച മൊബൈല് നമ്പറിലേക്ക് വരുന്ന ഒ.ടി.പി കൂടി നല്കി സേവനം ആരംഭിക്കാന് സാധിക്കും. മുഴുവന് വിവരങ്ങള് നല്കി കഴിഞ്ഞാല് പാന് കാര്ഡ് നമ്പര്, ആധാറുമായി ബന്ധിപ്പിക്കപ്പെട്ടിട്ടുള്ള മൊബൈല് നമ്പറിലേക്കും ഇമെയിലിലേക്കും വരും.
പാന് കാര്ഡ് എളുപ്പത്തില് നല്കുന്നതിനും പേപ്പര്രഹിത ഇടപാടുകള് പ്രോല്സാഹിപ്പിക്കുന്നതിനുമാണ് ആദായ നികുതി വകുപ്പ് പുതിയ സേവനം അവതരിപ്പിച്ചിരിക്കുന്നത്.
https://www.facebook.com/Malayalivartha
