സംസ്ഥാനത്ത് സ്വർണ വിലയിൽ വീണ്ടും നേരിയ കുറവ് രേഖപ്പെടുത്തി. ഗ്രാമിന് 5,385 രൂപയും പവന് 43,080 രൂപയിലുമാണ് ഇന്ന് വ്യാപാരം പുരോ​ഗമിക്കുന്നത്. രാജ്യാന്തര വിപണിയിൽ ട്രോയ് ഔൺസിന് 1904 ഡോളറിലേക്ക് വില കൂപ്പു കുത്തി. ഇതാണ് രാജ്യത്തും സ്വർണ വിലയിൽ പ്രതിഫലിച്ചത്. ഈ മാസം ഇതുവരെ സ്വർണ വിലയിൽ പവന് 1480 രൂപയുടെ കുറവാണ് രേഖപ്പെടുത്തിയത്. ജൂൺ രണ്ടിനാണ് ഈ മാസത്തെ ഏറ്റവും ഉയർന്ന നിരക്കിൽ വില എത്തിയത്. പവന് 44,800 രൂപയായിരുന്നു വില.

അതേസമയം ഒരു ഗ്രാം വെള്ളിക്ക് 75.30 രൂപയാണ് വില. എട്ട് ഗ്രാം വെള്ളിക്ക് 602.40 രൂപയും 10 ഗ്രാമിന് 753 രൂപയുമാണ് വില. ഒരു കിലോഗ്രാം വെള്ളിക്ക് 73,300 രൂപയാണ് വില. ഇന്നലെ ഒരു കിലോഗ്രാമിന് 75,700 രൂപയായിരുന്നു വില.