സംസ്ഥാനത്ത് സ്വര്‍ണവിലയില്‍ ഇടിവ്... പവന് 80 രൂപ കുറഞ്ഞു. ഈ മാസത്തെ ഏറ്റവും ഉയര്‍ന്ന വിലയില്‍ നിന്നും ഗ്രാമിന് പത്തു രൂപയും പവന് 80 രൂപയും കുറഞ്ഞ് ഗ്രാമിന് 5,415 രൂപയിലും പവന് 43,320 രൂപയിലുമാണ് വെള്ളിയാഴ്ച വ്യാപാരം പുരോഗമിക്കുന്നത്.

ഈ മാസത്തെ ഏറ്റവും ഉയര്‍ന്ന നിരക്കായ ഗ്രാമിന് 5,425 രൂപയിലും പവന് 43,400 രൂപയിലുമാണ് രണ്ട് ദിവസം വ്യാപാരം നടന്നത്. ഈ മാസത്തെ ഏറ്റവും കുറഞ്ഞ നിരക്ക് ജൂലൈ 3 ന് രേഖപ്പെടുത്തിയ ഗ്രാമിന് 5,405 രൂപയും പവന് 43,240 രൂപയുമാണ്.

അതേസമയം സംസ്ഥാനത്ത് ഇന്ന് വെള്ളി വിലയും കുറവുണ്ടായി. ഒരു ഗ്രാം സാധാരണ വെള്ളി വില ഒരു രൂപ കുറഞ്ഞ് വിപണി നിരക്ക് 76 രൂപയായി. ഹാള്‍മാര്‍ക്ക് വെള്ളി വില 103 രൂപയുമാണ്.