സംസ്ഥാനത്ത് ഇന്നലെ ഒരു പവൻ സ്വർണത്തിന് 320 രൂപ വർദ്ധിച്ചെങ്കിലും ഇന്ന് മാറ്റമില്ലാതെ തുടർന്നു. ഒരു പവൻ സ്വർണത്തിന് 44760 രൂപ എന്ന നിരക്കിലാണ് വിൽപന നടക്കുന്നത്. ഒരു ഗ്രാം സ്വർണത്തിന് 5595 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 4640 രൂപയുമാണ്. വെള്ളിയുടെ വിലയിലും മാറ്റമില്ല. ഒരു ഗ്രാം സാധാരണ വെള്ളിയുടെ വില 78 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.

സ്വർണവില നവംബർ 13ന് ഈ മാസത്തെ ഏറ്റവും കുറഞ്ഞ നിരക്കിൽ എത്തിയിരുന്നു. 44360 രൂപയായിരുന്നു നവംബർ 13ലെ സ്വർണവില. സമീപകാലത്തെ ഏറ്റവും കുറഞ്ഞ നിരക്കായിരുന്നു ഇത്. ഏറെക്കാലമായി സ്വർണവില 45000ന് മുകളിൽ ആയിരുന്നു. നവംബറിലെ ആദ്യ ആഴ്ചയും സ്വർണവില 45000ന് മുകളിലായിരുന്നു.