സംസ്ഥാനത്ത് ഇന്ന് സ്വര്‍ണവില ഉയര്‍ന്നു. കഴിഞ്ഞ ഒരാഴ്ചയായി റെക്കോര്‍ഡ് ഉയര്‍ച്ചയിലേക്ക് കുത്തിക്കുകയും തുടര്‍ന്ന് കുത്തനെ ഇടിയുകയും ചെയ്ത സ്വര്‍ണവില ഇന്നലെയും ഇന്നുമായി നേരിയ തോതില്‍ ഉയര്‍ന്നു.

ഇന്നലെ 80 രൂപയും ഇന്ന് 120 രൂപയുമായി രണ്ട് ദിവസംകൊണ്ട് പവന് 200 രൂപ ഉയര്‍ന്നു. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 46,160 രൂപയാണ്.
ഡിസംബര്‍ 4 ന് 47,080 എന്ന റെക്കോര്‍ഡ് വിലയിലെത്തിയ സ്വര്‍ണം 5 നും 6 നും കുത്തനെ കുറഞ്ഞു. ഒരു ഗ്രാം 22 കാരറ്റ് സ്വര്‍ണത്തിന്റെ വില ഇന്ന് 15 രൂപ ഉയര്‍ന്നു. വിപണി വില 5770 രൂപയാണ്.

18 കാരറ്റ് സ്വര്‍ണത്തിന്റെ വില 30 രൂപ ഉയര്‍ന്ന് വില 4775 രൂപയുമാണ്. ഒരു ഗ്രാം സാധാരണ വെള്ളിയുടെ വില 80 ലേക്കെത്തി. ഒരു ഗ്രാം ഹാള്‍മാര്‍ക്ക് വെള്ളിയുടെ വിപണി വില 103 രൂപയാണ്.