സംസ്ഥാനത്ത് സ്വര്‍ണവിലയില്‍ മാറ്റമില്ല.... പവന് 60,200 രൂപ. ഗ്രാമിന് 7,525 രൂപയിലുമാണ് വ്യാപാരം നടക്കുന്നത്. ബുധനാഴ്ച ഗ്രാമിന് 75 രൂപയും പവന് 600 രൂപയും വില വര്‍ധിച്ചാണ് ചരിത്രത്തില്‍ ആദ്യമായി റെക്കോര്‍ഡില്‍ എത്തിയത്.

ആദ്യമായാണ് വില പവന് 60,000 രൂപ കടക്കുന്നത്. ഈ മാസത്തെ ഏറ്റവും കൂടിയ വിലയും ഇന്നലെയാണ് രേഖപ്പെടുത്തിയത്.തിങ്കളാഴ്ച പവന് 59,600 രൂപയായിരുന്നു വില. ഈ വില ചൊവ്വാഴ്ചയും തുടര്‍ന്നു. ഇതിന് പിന്നാലെയാണ് ബുധനാഴ്ച പവന്‍ വില റെക്കോഡിലേക്ക് എത്തിയത്.

ജനുവരി ഒന്നിന് ഈ മാസത്തെ ഏറ്റവും കുറഞ്ഞ വില രേഖപ്പെടുത്തി. അന്ന് പവന് 57,200 രൂപയും ഗ്രാമിന് 7,150 രൂപയുമായിരുന്നു വില. കഴിഞ്ഞ ഒക്ടോബര്‍ 31നാണ് പവന്‍ വില 59,640 രൂപ എന്ന റെക്കോഡിലെത്തിയത്.