ലോകത്തിലെ ഏറ്റവും വിശാലമായ ഇന്റർനെറ്റ് തിരച്ചിൽ സംവിധാ‍നമായ ഗൂഗിൾ സെൽഫ് ഡ്രൈവിംഗ് സൈക്കിളുകൾക്ക് രൂപം നൽകിയിരിക്കുന്നു. നെതെര്‍ലെന്റിലെ ജനങ്ങള്‍ക്കു വേണ്ടിയാണ് ഗൂഗിള്‍ പുതിയ സൈക്കിള്‍ ഒരുക്കിയത്.

ഗൂഗിളിന്റെ ഡ്രൈവറില്ലാ കാറുകൾ പരീക്ഷണഘട്ടത്തിൽ ഇരിക്കെയാണ് ഇത്തരമൊരു സൈക്കിളിനെ അവതരിപ്പിക്കുന്നത്.

2016 ല്‍ തന്നെ ആമ്സ്റ്റര്‍ഡാമില്‍ ഗൂഗിള്‍ തനിയെ സഞ്ചരിക്കുന്ന സൈക്കിള്‍ പരീക്ഷണാടിസ്ഥാനത്തില്‍ നിർമ്മിച്ചിരുന്നു. സൈക്കിൾ സവാരി കൂടുതലായി നടത്തുന്നത് ആമസ്റ്റർഡാമിലായതിനാലാണ് ഗൂഗിൾ അവിടെ തന്നെ ആദ്യ ചുവട് വച്ചത്.

മുൻപ് ഗൂഗിൾ എന്നുപറഞ്ഞാൽ സർച്ച് എൻജിനാണ് ഓർമയിൽ വരികയെങ്കിലും ഇന്ന് സെൽഫ് ഡ്രൈവിംഗ് കാറുകളാണ് മനസിൽ എത്തുക. ഇപ്പോൾ നൂറ്റാണ്ടിലെ തന്നെ പുതിയ ആശയമായിട്ട് എത്തിയിരിക്കുകയാണ് ഈ അമേരിക്കൻ കമ്പനി.

നിരവധി പ്രത്യേകതകള്‍ നിറഞ്ഞ സൈക്കിള്‍ യാത്രക്കാര്‍ക്ക് സുഖപ്രധവും വളരെ ആകര്‍ഷകവുമായ യാത്രയായിരിക്കും ഒരുക്കുക എന്ന് ഗൂഗിള്‍ അവകാശപ്പെടുന്നു.

സൈക്കിളിൽ ഒന്നുകയറി ഇരുന്നാൽ മതി എത്തേണ്ടയിടത്ത് കൃത്യമായി എത്തിക്കാൻ ഗൂഗിൾ സൈക്കിളിന് ആകും. കൂടാതെ പാർക്ക് ചെയ്ത സ്ഥലത്ത് നിന്നും പിക്ക് ചെയ്യാൻ നിങ്ങളുടെ പക്കലെത്താനുള്ള പിക്-അപ് ഫംങ്ഷനും ഈ സൈക്കിളിൽ ഉൾപ്പെടുത്തിയിട്ടുണ്ട്.

നഗരത്തിലെ ഗതാഗതം സുഗമമാക്കുകയെന്ന ലക്ഷ്യത്തോടെയാണ് ഈ നവീനാശയത്തിന് രൂപം നൽകിയിരിക്കുന്നത്.

വീഡിയോ കാണുക...