ഒൻപത് രൂപ മുതൽ 999 രൂപവരെയുള്ള നിരവധി ഓഫറുകളുമായി എയർടെൽ. മൂന്ന് പ്രീപെയ്ഡ് ഓഫറുകളാണ് എയർടെൽ അവതരിപ്പിച്ചിരിക്കുന്നത്. ഇതനുസരിച്ച് 9 രൂപ, 59 രൂപ, 93 രൂപ റീചാര്‍ജുകള്‍ ചെയ്യുന്നവര്‍ക്ക് നിശ്ചിത ഡാറ്റയും വോയ്സ് കോളും എസ്എംഎസ് ആനുകൂല്യങ്ങളും ലഭിക്കും. ഒൻപത് രൂപയ്ക്ക് റീചാര്‍ജ് ചെയ്താൽ ഒരു ദിവസത്തേക്ക് 100 എംബി 3ജി, അല്ലെങ്കില്‍ 4ജി ഡാറ്റ ലഭിക്കും. മാത്രമല്ല ആ ദിവസം സൗജന്യമായി കോളുകളും ചെയ്യാം. 100 എസ്എംഎസുകളും സൗജന്യമായി ലഭിക്കും. 59 രൂപയ്ക്ക് റീചാര്‍ജ് ചെയ്താൽ ഒരാഴ്ചത്തേക്ക് 500 എംബി 3ജി അല്ലെങ്കില്‍ 4ജി ഡാറ്റയും സൗജന്യകോളും 100 എസ്എംഎസും ദിവസവും ലഭിക്കും. എന്നാൽ ഇത് ആഡ് ഓണ്‍ ആയി നിലനിര്‍ത്താന്‍ കഴിയില്ല.

93 രൂപയുടെ പുതിയ ഓഫറില്‍ 10 ദിവസത്തേയ്ക്ക് 1 ജിബി ഡാറ്റ ലഭിക്കും. കൂടാതെ ദിവസം 100 എസ്എംഎസ് ആണ്‍ലിമിറ്റ‍ഡ് കോളും ലഭ്യമാകും. ഇതേ ഓഫര്‍ 28 ദിവസത്തെ കാലാവധിയിലും ഉപയോക്താക്കൾക്ക് ലഭിക്കുന്നതാണ്. അധിക ഡാറ്റ ഉപയോഗിക്കാത്തവരെയും എയർടെൽ പരിഗണിച്ചിട്ടുണ്ട്. ഇവർക്കായി 999 രൂപയുടെ ഓഫര്‍ ഒരുക്കുന്നതായി സൂചനയുണ്ട്. ഇതനുസരിച്ച് ഒരു വര്‍ഷത്തെ സമയ പരിധിയില്‍ വോയ്സ് കോള്‍, എസ്എംഎസ്, മാസം 1ജിബി ഡാറ്റ എന്നിവ ലഭ്യമാകും.