ഭിന്നശേഷിക്കാരെ സഹായിക്കുന്നതിന് പുതിയ ഫീച്ചറുകൾ ഗൂഗിള്‍ മാപ്പിൽ പരിഷ്കരിക്കുമെന്നു റിപ്പോർട്ടുകൾ. ലോകത്തിലെ മെട്രോ പൊളിറ്റന്‍ നഗരങ്ങളില്‍ വീല്‍ചെയര്‍ സഞ്ചാരത്തിന് യോജിച്ച പാതകള്‍ ഗൂഗിള്‍ മാപ്പില്‍ അവതരിപ്പിച്ചുകൊണ്ടായിരിക്കും കമ്പനിയുടെ പുതിയ ആവിഷ്കാരം.

ലണ്ടന്‍, ന്യൂയോര്‍ക്ക്, ടോക്യോ, മെക്സിക്കോ സിറ്റി, ബോസ്റ്റന്‍, സിഡ്നി തുടങ്ങിയ നഗരങ്ങളിലായിരിക്കും ഈ സേവനങ്ങൾ ലഭ്യമാകുന്നത്.

നഗരത്തിലെ യാത്രകള്‍ക്ക് സാധാരണ ബസുകളും, ട്രെയിനുകളുമാണ് ഭിന്നശേഷിക്കാര്‍ ഉപയോഗപ്പെടുത്തുന്നതെന്നും താമസിയാതെ വീല്‍ ചെയര്‍ യാത്രയ്ക്ക് അനുയോജ്യമായ പാതകള്‍ മാപ്പില്‍ കൊണ്ടുവരുമന്നും ഗൂഗിള്‍ മാപ്പ്സ് പ്രൊഡക്റ്റ് മാനേജര്‍ റിയോ അകസാക വ്യക്തമാക്കി.