കൊച്ചിൻ ഷിപ്പ്യാഡിൽ ഷിപ്പ് ഡ്രാഫ്റ്റ്സ്മാൻ ട്രെയിനി തസ്തികയിൽ 62 ഒഴിവുകളുണ്ട്. രണ്ടു വർഷത്തെ പരിശീലനത്തിനുശേഷം ഒരു വർഷത്തെ കരാർ നിയമനത്തിന് സാധ്യത

ഒഴിവുകൾ ഇങ്ങനെ

ഷിപ്പ് ഡ്രാഫ്റ്റ്സ്മാൻ ട്രെയിനി (മെക്കാനിക്കൽ) – 48 ഒഴിവുകൾ ഉണ്ട്. ഇത് ജനറൽ-22 , ഒ.ബി.സി-11 ,ഇ.ഡബ്ലൂ.എസ്-04 ,എസ്.സി-10 ,എസ്.ടി-01 എന്നിങ്ങനെ സംവരണം ചെയ്തിരിക്കുന്നു

ഷിപ്പ് ഡ്രാഫ്റ്റ്സ്മാൻ ട്രെയിനി (ഇലക്ട്രിക്കൽ)- ജനറൽ-07 ,ഒ.ബി.സി-03 ,ഇ.ഡബ്ലൂ.എസ്-01 ,
എസ്.സി-01 , എസ്.ടി-02 എന്നിങ്ങനെ 14 ഒഴിവുകൾ .

മെക്കാനിക്കൽ വിഭാഗത്തിൽ മൂന്നും ഇലക്ട്രിക്കലിൽ രണ്ടും ഒഴിവുകൾ ഭിന്നശേഷിക്കാർക്കായി മാറ്റിവെച്ചതാണ്.

എസ്.എസ്.എൽ.സി , സ്റ്റേറ്റ് ബോർഡ് ഓഫ് ടെക്നിക്കൽ എജുക്കേഷനിൽ നിന്നുള്ള മെക്കാനിക്കൽ / ഇലക്ട്രിക്കൽ എൻജിനീയറിങ് ത്രിവത്സര ഡിപ്ലോമ , ഡ്രാഫ്റ്റ്സ്മാൻഷിപ്പിലുള്ള കഴിവ് , CAD- ലുള്ള പരിചയം എന്നിവയാണ് യോഗ്യത . ഡിപ്ലോമയിൽ കുറഞ്ഞത് 60 ശതമാനം മാർക്ക് വേണം.

പ്രായപരിധി : 2021 ജനുവരി 15 – ന് പരമാവധി 25 വയസ്സ്. എസ്.സി , എസ്.ടി വിഭാഗക്കാർക്ക് അഞ്ചുവർഷത്തെയും ഒ.ബി.സി (നോൺ ക്രീമിലെയർ) വിഭാഗക്കാർക്ക് മൂന്നുവർഷത്തെയും ഭിന്നശേഷിക്കാർക്ക് 10 വർഷത്തയും വയസ്സിളവുണ്ട്.

രണ്ടു വര്ഷം പരിശീലന കാലാവധിയിൽ ആദ്യവർഷം 12,600 രൂപയും രണ്ടാം വർഷം 13,800 രൂപയും
സ്റ്റൈപെൻഡ് ലഭിക്കും ..കൂടാതെ അധിക ജോലിക്ക് മാസം 4450 വരെ അധിക വേതനം ലഭിക്കും.

50 മാർക്കിൻെറ ഒബ്ജക്ടീവ് ടൈപ്പ് ഓൺലൈൻ പരീക്ഷയുടെയും 30 മാർക്കിൻെറ ഓട്ടോകാഡിലുള്ള പ്രായോഗിക പരീക്ഷയുടെയും അടിസ്ഥാനത്തിലാണ് തിരഞ്ഞെടുപ്പ്. ഒന്നാംഘട്ടത്തിൽ ഓരോ ചോദ്യത്തിനും ഓരോ മാർക്കാണ് ലഭിക്കുക.

ജനറൽ നോളജ് , ജനറൽ ഇംഗ്ലീഷ് , റീസണിങ് , ക്വാണ്ടിറ്റേറ്റീവ് ആപ്റ്റിറ്റ്യൂഡ് എന്നിവയ്ക്ക് അഞ്ച് വീതവും പഠന വിഷയത്തെ അധികരിച്ച് 30 ചോദ്യങ്ങളുമുണ്ടാകും. പരീക്ഷാസമയം 60 മിനിറ്റ്.

രണ്ടാം ഘട്ടത്തിൽ പ്രായോഗിക പരീക്ഷയാണ്. അപേക്ഷ സമർപ്പിക്കാനുള്ള വിശദവിവരങ്ങൾ www.cochinshipyard.com എന്ന വെബ്സൈറ്റിലുണ്ട്. രജിസ്റ്റർ ചെയ്തതിനുശേഷം ഈ വെബ്സൈറ്റ് വഴി അപേക്ഷിക്കാം. ഒന്നിലേറെ തവണ അപേക്ഷിക്കരുത്.

അപേക്ഷാഫീസ് : 300 രൂപ (ബാങ്ക് നിരക്ക് അധികമായുണ്ടാകും). ഫീസ് ഓൺലൈനായി അടയ്ക്കാം. എസ്.സി, എസ്.ടി വിഭാഗക്കാർ , ഭിന്നശേഷിക്കാർ എന്നിവർ ഫീസടയ്ക്കേണ്ടതില്ല.

അപേക്ഷ സ്വീകരിക്കുന്ന അവസാന തീയതി : ജനുവരി 15.