ഗവ. ലോ കോളേജിൽ 2021 – 22 അദ്ധ്യയനവർഷത്തിലൈക്ക് ഗസ്റ്റ് അധ്യാപകരുടെ ഒഴിവുകൾ . മലയാളം, ഹിന്ദി, ഇംഗ്ലീഷ് വിഷയങ്ങളിൽ ഓരോ ഒഴിവുകൾ വീതവും കോമേഴ്സ് നിയമ വിഷയങ്ങളിൽ രണ്ട് ഒഴിവുകൾ വീതവുമാണ് ഉള്ളത്.

എറണാകുളം കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തിലെ അതിഥി അധ്യാപക പാനലിൽ രജിസ്റ്റർ ചെയ്ത ഉദ്യോഗാർത്ഥികൾക്ക് അപേക്ഷിക്കാം .ഓൺലൈനായാണ് അപേക്ഷിക്കേണ്ടത്

ഉദ്യോഗാർത്ഥികൾ ഈ മാസം 31 ന് മുൻപായി മേൽവിലാസം, യോഗ്യത, ജനനത്തീയതി, പ്രവർത്തി പരിചയം എന്നിവ തെളിയിക്കുന്ന അസ്സൽ രേഖകളുടെ പകർപ്പുകൾ, വ്യക്തിഗത മൊബൈൽ നമ്പർ എന്നീ വിവരങ്ങൾ കോളേജിന്റെ ഇ-മെയിൽ വിലാസത്തിൽ (glcekm@hotmail.com) അയക്കണം.

കോവിഡ് വ്യാപനം രൂക്ഷമായ സാഹചര്യത്തിൽ ഇന്റെർവ്യൂ ഓൺലൈനിൽ നടത്തും. രേഖകൾ പരിശോധിച്ച് യോഗ്യരായവരുടെ ചുരുക്കപ്പട്ടിക കോളേജ് വെബ് സൈറ്റിൽ പ്രസിദ്ധീകരിക്കും.

ഓൺലൈൻ ഇന്റെർവ്യൂ സമയം ഉദ്യോഗാർത്ഥികളെ നേരിട്ട് അറിയിക്കും. ഈ അദ്ധ്യയന വർഷത്തിൽ ഉണ്ടാകുന്ന ഒഴിവുകൾ ഈ റാങ്ക് ലിസ്റ്റിൽ നിന്ന് നികത്തുമെന്നും ഗവ. ലോ കോളേജ് പ്രിൻസിപ്പാൾ അറിയിച്ചു.