യൂണിയൻ പബ്ലിക് സർവീസ് കമ്മീഷൻ പ്രിൻസിപ്പൽ തസ്തികയിലേക്ക് അപേക്ഷ ക്ഷണിച്ചു. നിശ്ചിത യോഗ്യതയുള്ളവർക്ക് യു.പി.എസ്.സിയുടെ ഔദ്യോഗിക വെബ്സൈറ്റായ upsc.gov.in സന്ദർശിച്ച് ഓൺലൈനായി അപേക്ഷ സമർപ്പിക്കാം.

കൊവിഡിന്റെ പശ്ചാത്തലത്തിൽ നേരത്തെ നടക്കാനിരുന്ന തെരഞ്ഞെടുപ്പ് നടപടികൾ മാറ്റിവെക്കുകയായിരുന്നു. വിദ്യാഭ്യാസ വകുപ്പിൽ ഡയറക്ടറേറ്റ് ഓഫ് എജ്യൂക്കേഷനിലെ 363 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ആകെ ഒഴിവുകളിൽ 208 ഒഴിവുകൾ പുരുഷൻമാർക്കും 155 ഒഴിവുകൾ വനിതകൾക്കുമാണ് സംവരണം ചെയ്തിട്ടുള്ളത്.

ജൂലൈ 10ന് ഓൺലൈൻ അപേക്ഷ ആരംഭിച്ചിരുന്നു. ജൂലൈ 29 ആണ് അപേക്ഷിക്കാനുള്ള അവസാന തീയതി. അപേക്ഷയുടെ പ്രിന്റൗട്ട് എടുക്കാൻ ജൂലൈ 30 വരെ സമയമുണ്ട്.

ഒഴിവുകൾ ഇങ്ങനെയാണ്, എസ്.സി- 57 ഒഴിവുകൾ (പുരുഷൻമാർ- 31, വനിതകൾ- 26)
എസ്.ടി- 26 ഒഴിവുകൾ (പുരുഷൻമാർ- 13, വനിതകൾ- 13)
ഒ.ബി.സി- 106 ഒഴിവുകൾ (പുരുഷൻമാർ- 65, വനിതകൾ- 41)

ഇ.ഡബ്ള്യൂ.എസ്- 34 (പുരുഷൻമാർ- 18, വനിതകൾ- 16)
ജനറൽ വിഭാഗം- 140 (പുരുഷൻമാർ- 81, വനിതകൾ- 59)
എന്നിങ്ങനെയാണ് വിവിധ വിഭാഗങ്ങൾക്കായി സംവരണം ചെയ്തിട്ടുള്ള ഒഴിവുകൾ.

പ്രിൻസിപ്പൽ തസ്തികയിലേക്ക് അപേക്ഷിക്കാനുള്ള യോഗ്യത, പ്രായപരിധി തുടങ്ങിയ വിവരങ്ങൾ യു,പി.എസ്.സിയുടെ ഔദ്യോഗിക വെബ്സൈറ്റിൽ പ്രസിദ്ധീകരിച്ചിട്ടുള്ള വിജ്ഞാപനത്തിൽ നൽകിയിട്ടുണ്ട്.