തൊഴിൽ അന്വേഷകർക്കായി ഇതാ പുതിയ വാർത്ത. റെയിൽവെയിൽ വിവിധ തസ്തികകളിലേക്ക് അപേക്ഷ ക്ഷണിച്ചു. ഗുജറാത്ത് മെട്രോ റെയിൽ കോർപ്പറേഷൻ ലിമിറ്റഡിലെ ഒഴിവുകളിലേക്ക് അപേക്ഷിക്കാം. സിവിൽ, സിസ്റ്റംസ്, ഇലക്ട്രിക്കൽ, റോളിംഗ് സ്റ്റോക്ക് എന്നീ വിഭാഗങ്ങളിലാണ് ഒഴിവുള്ളത്. താൽപ്പര്യമുള്ളവർക്ക് ഗുജറാത്ത് മെട്രോയുടെ ഔദ്യോഗിക വെബ്സൈറ്റായ http://www.gujaratmetrorail.com/careers/ സന്ദർശിച്ച് അപേക്ഷ സമർപ്പിക്കാം. ഓഗസ്റ്റ് 20 ആണ് അപേക്ഷിക്കാനുള്ള അവസാന തീയതി.

അഡീഷണൽ ജനറൽ മാനേജർ (സിവിൽ)- 4 ഒഴിവുകൾ
ജോയിന്റ് ജനറൽ മാനേജർ (സിവിൽ)- 3 ഒഴിവുകൾ
സീനിയർ ഡെപ്യൂട്ടി മാനേജർ (സിവിൽ)- 1 ഒഴിവ്
ഡെപ്യൂട്ടി ജനറൽ മാനേജർ (സിവിൽ- സേഫ്ടി)- 2 ഒഴിവുകൾ
ഡെപ്യൂട്ടി ജനറൽ മാനേജർ (എം.എം.ഐ)- 1 ഒഴിവ്
മാനേജർ (സിവിൽ)- 1 ഒഴിവ്
മാനേജർ (ആർക്കിടെക്ട്)- 2 ഒഴിവുകൾ
മാനേജർ (മൾട്ടീ മോഡൽ ഇന്റഗ്രേഷൻ)- 1 ഒഴിവ്

ഓൺലൈനായി അപേക്ഷ സമർപ്പിച്ചതിന് ശേഷം അപേക്ഷയുടെ പ്രിന്റെടുത്ത് സൂക്ഷിക്കാം. അപേക്ഷിക്കാനുള്ള പ്രായപരിധി, ശമ്പളം തുടങ്ങിയ വിവരങ്ങൾ വെബ്സൈറ്റിൽ നൽകിയിട്ടുണ്ട്.

കൂടാതെ നാഷണൽ റെയിൽ ആന്റ് ട്രാൻസ്പോർട്ടേഷൻ ഇൻസ്റ്റിറ്റ്യൂട്ടിലെ വിവിധ ഒഴിവുകളിലേക്കും, ഇപ്പോൾ അപേക്ഷിക്കാം. നോൺ ടീച്ചിംഗ് തസ്തികകളിലാണ് ഒഴിവുള്ളത്. താൽപ്പര്യമുള്ളവർക്ക് ഔദ്യോഗിക വെബ്സൈറ്റായ nrti.edu.in സന്ദർശിക്കുക. ഓഗസ്റ്റ് 8 ആണ് അപേക്ഷിക്കാനുള്ള അവസാന തീയതി.

ഓൺലൈൻ വഴി മാത്രമാണ് അപേക്ഷിക്കാൻ അവസരമുള്ളത്. ഓഫ്ലൈനായി അപേക്ഷിച്ചാൽ സ്വീകരിക്കുന്നതല്ല. അപേക്ഷയോടൊപ്പം സി.വിയും അയക്കുക.

കരാർ അടിസ്ഥാനത്തിലായിരിക്കും നിയമനം. 3 വർഷത്തേക്കാണ് നിയമനം. അപേക്ഷിക്കാൻ ആഗ്രഹിക്കുന്നവർ വെബ്സൈറ്റിൽ നൽകിയിരിക്കുന്ന വിവരങ്ങൾ വായിച്ചു മനസ്സിലാക്കുക.

അപേക്ഷിക്കാനായി ആദ്യം ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ കാണുന്ന NOTICE FOR RECRUITMENT TO NON-TEACHING POSITIONS ON CONTRACT – JULY 2021 എന്ന ലിങ്കിൽ ക്ലിക്ക് ചെയ്യാം. നിയമനവുമായി ബന്ധപ്പെട്ട വിവരങ്ങൾ അടങ്ങിയ പുതിയ ഒരു പേജ് തുറക്കപ്പെടും. താഴേക്ക് സ്ക്രോൾ ചെയ്യുമ്പോൾ How to Apply എന്ന പോയിന്റ് കാണാം. ഏത് പോസ്റ്റിലേക്കാണോ അപേക്ഷിക്കേണ്ടത്, അതിൽ ക്ലിക്ക് ചെയ്യുക. വിവരങ്ങൾ പൂരിപ്പിച്ചതിന് ശേഷം അപേക്ഷ സമർപ്പിക്കുക.