കേന്ദ്ര സർക്കാർ ജോലി ആഗ്രഹിക്കുന്നവർക്ക് ഇതാ അവസരങ്ങൾ... ഭാരത് ഹെവി ഇലക്ട്രിക്കൽസ് ലിമിറ്റഡിൽ മെഡിക്കൽ പ്രൊഫഷണലുകളുടെ അപേക്ഷ ക്ഷണിച്ചിരിക്കുന്നത്. ട്രിച്ചി, ഭോപ്പാൽ, ഹരിദ്വാർ, ഝാൻസി, റാണിപെട്, ജഗദീഷ്പൂർ, വിശാഖപട്ടണം, ഡൽഹി എന്നിവിടങ്ങളിലെ ആശുപത്രികൾ, ഡിസ്പൻസറികൾ എന്നിവിടങ്ങളിൽ ഇ.2 ഗ്രേജ് മെഡിക്കൽ പ്രൊഫഷണലുകളായാണ് നിയമനം നൽകുക.

നിശ്ചിത യോഗ്യതയുള്ളവർക്ക് അപേക്ഷിക്കാം. അപേക്ഷാ നടപടികൾ പുരോഗമിക്കുന്നുണ്ട്. അപേക്ഷിക്കാനുള്ള അവസാന തീയതി സെപ്റ്റംബർ 7 ആണ്. താൽപ്പര്യമുള്ളവർക്ക് careers.bhel.in സന്ദർശിക്കാം.

സീനിയർ മെഡിക്കൽ ഓഫീസർ (സ്പെഷ്യലിസ്റ്റ്) തസ്തികയിൽ 37 ഒഴിവുകളുണ്ട്. 354 രൂപയാണ് അപേക്ഷാ ഫീസ്. എം.ബി.ബി.എസ് ബിരുദവും ബിരുദാനന്തര ബിരുദവുമുണ്ടായിരിക്കണം. ഇതിന് പുറമെ ഒരു വർഷത്തിൽ കുറയാത്ത പ്രവൃത്തിപരിചയവും വേണം.

അപേക്ഷിക്കാനായി ആദ്യം ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ കാണുന്ന Recruitment of Medical Professionals എന്ന ലിങ്കിൽ ക്ലിക്ക് ചെയ്യാം. തുടർന്ന് apply online ൽ ക്ലിക്ക് ചെയ്യുക. ഓൺലൈൻ അപേക്ഷ പൂരിപ്പിച്ചതിന് ശേഷം ഫോട്ടോയും മറ്റ് രേഖകളും സ്കാൻ ചെയ്ത് അപ്ലോഡ് ചെയ്യണം. തുടർന്ന് അപേക്ഷാ ഫീസ് അടയ്ക്കുക.