ഓരോ തസ്‌തികക്കും അനുയോജ്യമായ  വിദ്യാഭ്യാസ യോഗ്യതയുള്ളവരെ മാത്രം അതാത് തസ്‌തികകളിൽ നിയമിച്ചാൽ മതിയെന്ന്  കുവൈത്ത്  സർക്കാർ..... ഇതനുസരിച്ച്  1,855ജോലികൾക്കുള്ള  വിദ്യാഭ്യാസ യോഗ്യത നിശ്ചയിച്ചിട്ടുള്ളത് ഇങ്ങനെ 

കുവൈത്തികൾക്കും കുവൈത്തികൾ അല്ലാത്തവർക്കും ഈ നിബന്ധന ബാധകമാണെന്ന് ഔദ്യോഗിക വൃത്തങ്ങളെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു.ഓരോ ജോലിക്കും നിശ്ചിത വിദ്യാഭ്യാസ യോഗ്യത മന്ത്രാലയംനിശ്ചയിച്ചിട്ടുണ്ട്,വേണ്ടത്ര യോഗ്യതയില്ലാവരുടെ റെസിഡൻസി പുതുക്കേണ്ടതില്ലെന്നാണ് തീരുമാനം.



ഇതനുസരിച്ച്     ജോലിക്കാർക്ക്   തൊഴിൽ പെർമിറ്റ് പുതുക്കുന്നതിന്  വേണ്ടത്ര അക്കാദമിക് യോഗ്യത  നിര്ബന്ധമായിരിക്കും . പ്രധാന തസ്തികകളിലേക്കുള്ള നിർദിഷ്ട യോഗ്യതകൾ ഇങ്ങനെയാണ്

ടെക്നീഷ്യൻ, പരിശീലകൻ, സൂപ്പർവൈസർ, ഷെഫ്, ചിത്രകാരൻ, റഫറി എന്നിവർക്ക്  ഡിപ്ലോമ യോഗ്യത നിർബന്ധം



.യന്ത്രസാമഗ്രികൾ അല്ലെങ്കിൽ ഉപകരണങ്ങൾ എന്നിവയുടെ ഓപ്പറേറ്റർമാർക്ക് ഇന്റർമീഡിയറ്റ് സർട്ടിഫിക്കറ്റുകൾ ഉണ്ടായിരിക്കണം

.ഡയറക്ടർ, എഞ്ചിനീയർ, ഡോക്ടർ, നഴ്സ്, കാലാവസ്ഥാ ശാസ്ത്രജ്ഞൻ, ജനറൽ ഫിസിഷ്യൻ, ജനറൽ കെമിസ്റ്റ്, ജിയോളജിസ്റ്റ്, ഇൻസ്ട്രക്ടർ, ടീച്ചർ, ഗണിതശാസ്ത്രജ്ഞൻ, വിവിധ സ്പെഷ്യലൈസേഷനുകളിൽ സ്റ്റാറ്റിസ്റ്റീഷ്യൻ അല്ലെങ്കിൽ മാധ്യമ മേഖലയിലെ സ്പെഷ്യലൈസ്ഡ് ജോലികൾ തുടങ്ങിയ പദവികൾക്ക് ബിരുദം അല്ലെങ്കിൽ തത്തുല്യമായ യോഗ്യതയുണ്ടായിരിക്കണം

റെസ്റ്റോറന്റ് മാനേജർ , ഫുഡ് ആൻഡ് ബിവറേജ് സർവീസ്, റീട്ടെയിൽ സ്റ്റോർ, ഹോട്ടൽ റിസപ്ഷൻ തൊഴിലുകൾ- പ്രൈമറി വിദ്യാഭ്യാസത്തിൽ കുറയരുത്



പത്ര വിതരണക്കാർ , സെയിൽസ് റപ്രസെൻേററ്റീവ് , , തൊഴിലാളികൾ , കാർഷിക തൊഴിലാളികൾ , സെക്യൂരിറ്റി ജീവനക്കാരൻ, തുടങ്ങിയ പദവികൾക്ക് ഇന്റർമീഡിയറ്റ് ലെവൽ സർട്ടിഫിക്കറ്റുകൾ ണ്ടായിരിക്കണം


കോവിഡ് പശ്ചാത്തലത്തിൽ  തൊഴിൽ വിപണി തുടർച്ചയായി അടച്ചിട്ടതിനെത്തുടർന്നു  2020 മാർച്ച് മുതൽ 2021 മാർച്ച് വരെ കുവൈത്തിൽ  ഒരു ലക്ഷത്തി തൊണ്ണൂറ്റി ഒമ്പതിനായിരം പേർക്ക് തൊഴിൽ നഷ്ടപ്പെട്ടതായാണ് റിപ്പോർട്ടുകൾ
 
റിയൽ എസ്റ്റേറ്റ് മേഖലയിൽ  മാത്രം 53,000 പേർക്ക് ആണ്  തൊഴിൽ നഷ്ടമായത്- . മൊത്തവ്യാപാരം, ചില്ലറ വ്യാപാരം, വാഹന റിപ്പയറിങ് മേഖലയിൽ 37,000 പേർക്ക് തൊഴിൽ ഇല്ലാതായി.
 

കെട്ടിട നിർമാണ മേഖലയിൽ റജിസ്റ്റർ ചെയ്ത തൊഴിലാളികളിൽ 30000 പേരുടെ കുറവുണ്ടായെന്ന് റിപ്പോർട്ട് വ്യക്തമാക്കുന്നു. ഉൽപാദന മേഖലയിൽ 27,000 പേരെയാണ് ഒഴിവാക്കേണ്ടിവന്നത്. അതേസമയം വിവര സാങ്കേതികം, സാമുഹികം, ആരോഗ്യം എന്നീ മേഖലകളിൽ കൊഴിഞ്ഞുപോക്ക്  അത്ര കാര്യമായി ഉണ്ടായില്ല എന്ന  ആശ്വാസവുമുണ്ട്

ഈ സാഹചര്യത്തിലാണ്   ഓരോ തസ്‌തികക്കും വേണ്ട വിദ്യാഭ്യാസ യോഗ്യതയുള്ളവരെ മാത്രം അതാത് തസ്‌തികകിൽ നിയമിച്ചാൽ മതിയെന്ന തീരുമാനം

സ്വകാര്യമേഖലയിലെ തൊഴിലാളികളുടെ എണ്ണം 15 ലക്ഷം  എന്നാണ് പുതിയ കണക്ക്. വാണിജ്യ സന്ദർശക വീസയിൽ കുവൈത്തിൽ പ്രവേശിച്ചവർക്ക്zതൊഴിൽ വീസയിലേക്ക് മാറുന്നതിനുള്ള നടപടിക്രമങ്ങൾ മാൻപവർ അതോറിറ്റി വ്യക്തമാക്കി.

തൊഴിൽ അനുമതിക്കായി ഇലക്ട്രോണിക് പോർട്ടലിൽ തൊഴിലുടമ റജിസ്റ്റർ ചെയ്യണം. വാണിജ്യ സന്ദർശക വീസയുടെ കോപ്പിയും തൊഴിലുടമകളുടെ ക്രിമിനൽ സ്റ്റാറ്റസ് കോപ്പിയും അതോടൊപ്പം സാക്ഷ്യപ്പെടുത്തി സമർപ്പിക്കുകയും വേണം.