നോർത്തേൺ റെയിൽവേയിലെ ന്യൂഡൽഹി ലജ്പത് നഗറിലെ ഒഴിവുകളിലേക്കുള്ള വിജ്ഞാപനം പുറപ്പെടുവിച്ച് റെയിൽവേ റിക്രൂട്ട്മെന്റ് സെൽ. 3093 അപ്രിന്റീസ് ഒഴിവുകളാണ് റിപ്പോർട്ട് ചെയ്തിട്ടുള്ളത്.

വിവിധ ഡിവിഷനുകൾ, യൂണിറ്റുകൾ, വർക്ക്ഷോപ്പുകൾ എന്നീവിടങ്ങളിലായിരിക്കും നിയമനം. അപ്രിന്റീസ് വിജ്ഞാപനം ഔദ്യോഗിക വെബ്സൈറ്റായ  http://rrcnr.org  ൽ പ്രസിദ്ധീകരിച്ചിട്ടുണ്ട്. സെപ്റ്റംബർ 20ന് ഉച്ചയ്ക്ക് 12 മുതൽ ഓൺലൈനായി അപേക്ഷിച്ചു തുടങ്ങാം.

ഉദ്യോഗാർത്ഥികൾക്ക് 2021 ഒക്ടോബർ 20 നകം അപേക്ഷ സമർപ്പിക്കണം. പത്താം ക്ലാസ് ജയവും ഐ.ടി.ഐയുമുള്ളവർക്ക് അപേക്ഷിക്കാം. 100 രൂപയാണ് അപേക്ഷാഫീസ്. യോഗ്യരായ ഉദ്യോഗാർത്ഥികൾക്ക്  http://rrcnr.org - ൽ ഓൺലൈനായി അപേക്ഷിക്കാം.

വിദ്യാഭ്യാസ യോഗ്യത, പ്രായപരിധി, ശമ്പളം, തെരഞ്ഞെടുപ്പ് രീതി, അപേക്ഷിക്കാനുള്ള ലിങ്ക് തുടങ്ങിയവയെകുറിച്ചുള്ള വിശദ വിവരങ്ങൾ വിജ്ഞാപനത്തിൽ നിന്ന് മനസ്സിലാക്കാം.

അപേക്ഷിക്കേണ്ട വിധം ഇങ്ങനെയാണ്

 http://rrcnr.org വെബ്സൈറ്റിൽ ലോഗിൻ ചെയ്യുക. ഹോംപേജിലുള്ള ലിങ്കിൽ ക്ലിക്ക് ചെയ്ത് ഓൺലൈൻ അപേക്ഷ സ്വയം രജിസ്റ്റർ ചെയ്യുക. ഉദ്യോഗാർത്ഥികൾക്ക് അവരുടെ ഇമെയിൽ ഐഡിയിലോ മൊബൈൽ നമ്പറിലോ പാസ്‌വേഡ് ലഭിക്കും.

പിന്നീട് അപേക്ഷാ ഫോം പൂരിപ്പിച്ച്‌ അപേക്ഷാ ഫീസ് ഓൺലൈനായി തന്നെ അടയ്ക്കാം അപേക്ഷാ ഫോമിന്റെ പ്രിന്റൗട്ട് എടുക്കണം .

നോർത്തേൺ റെയിൽവേ സെപ്റ്റംബർ 14 -ന് പുറപ്പെടുവിച്ച വിജ്ഞാപനം അനുസരിച്ച്, ഉദ്യോഗാർത്ഥികൾ പത്താം ക്ലാസ് ബോർഡ് പരീക്ഷയ്ക്ക് ശേഷം ബന്ധപ്പെട്ട ട്രേഡിൽ ഒരു ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ടിൽ (ITI) സർട്ടിഫിക്കറ്റ് കോഴ്സ് ചെയ്തിരിക്കണം എന്ന നിബന്ധനയുണ്ട്

ഉദ്യോഗാർത്ഥികൾ 15 നും 24 നും ഇടയിൽ പ്രായമുള്ളവരായിരിക്കണം. എസ്.സി /എസ്ടി അപേക്ഷകരുടെ ഉയർന്ന പ്രായപരിധി അഞ്ച് വർഷവും ഒബിസി അപേക്ഷകർക്ക് മൂന്ന് വർഷവും ഇളവ് നൽകും