റെയിൽവേയിൽ ജോലി ആഗ്രഹിക്കുന്നവർക്ക് ഇത് അവസരങ്ങൾ... സൗത്ത് വെസ്റ്റേൺ റെയിൽവേയിൽ ഒഴിവുള്ള അപ്രന്റീസ് തസ്തികകളിലേക്ക് അപേക്ഷ ക്ഷണിച്ചു. അപേക്ഷ ഇതിനകം ആരംഭിച്ചിട്ടുണ്ട്. താൽപ്പര്യമുള്ളവർക്ക് സൗത്ത് വെസ്റ്റേൺ റെയിൽവേയുടെ ഔദ്യോഗിക വെബ്സൈറ്റായ www.rrchubli.in സന്ദർശിച്ച് ഓൺലൈനായി അപേക്ഷിക്കാം. നവംബർ 3 ആണ് അപേക്ഷിക്കാനുള്ള അവസാന തീയതി.

ആകെ 904 ഒഴിവുകളാണുള്ളത്. ഹുബ്ളി ഡിവിഷൻ- 237 ഒഴിവുകൾ, ഹുബ്ളി കാര്യേജ് റിപ്പയർ വർക്ക്ഷോപ്പ്- 217 ഒഴിവുകൾ, ബാംഗ്ലൂർ ഡിവിഷൻ- 230 ഒഴിവുകൾ, മൈസൂരു ഡിവിഷൻ- 177 ഒഴിവുകൾ, മൈസൂരു സെൻട്രൽ വർക്ക്ഷോപ്പ്- 43 ഒഴിവുകൾ എന്നിങ്ങനെയാണ് ഒഴിവുകളുള്ളത്.

15 വയസിനും 24 വയസിനും ഇടയിൽ പ്രായമുള്ളവർക്ക് അപേക്ഷിക്കാം. 100 രൂപയാണ് അപേക്ഷാ ഫീസ്. പട്ടിക ജാതി, പട്ടിക വർഗം, ഭിന്നശേഷിക്കാർ, വനിതകൾ എന്നിവർക്ക് ഫീസില്ല.

അപേക്ഷിക്കാനായി ആദ്യം ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ വിജ്ഞാപനത്തിന് നേരെ കാണുന്ന ലിങ്കിൽ ക്ലിക്ക് ചെയ്യാം. registration എന്ന ടാബിൽ ക്ലിക്ക് ചെയ്യാം. നിശ്ചിത വിവരങ്ങൾ എന്റർ ചെയ്യാം. രേഖകൾ അപ്ലോഡ് ചെയ്തതിന് ശേഷം അപേക്ഷാ ഫീസ് ഓൺലൈനായി അടയ്ക്കുക. അപേക്ഷയുടെ പ്രിന്റെടുത്ത് സൂക്ഷിക്കുകയും ചെയ്യാം.