ഇന്ത്യന്‍ ഭരണഘടനയുടെ 315 മുതല്‍ 323 വരെയുള്ള അനുഛേദങ്ങളില്‍ കേന്ദ്ര-സംസ്ഥാന പബ്ലിക് സര്‍വ്വീസ്(upsc) കമ്മീഷനുകളെക്കുറിച്ച് പറയുന്നത്. ഇന്ത്യയിലെ ആദ്യത്തെ പബ്ലിക് സര്‍വ്വീസ് കമ്മീഷന്‍ 1926 ഒക്ടോബര്‍ 1-നാണ് രൂപം കൊണ്ടത്. കേന്ദ്ര സര്‍ക്കാറിന്റെ വിവിധ സര്‍വ്വീസുകളിലേയ്ക്ക് ഉദ്യോഗാര്‍ത്ഥികളെ മത്സരപരീക്ഷകള്‍(competitive exams) മുഖേന പ്രവേശിപ്പിയ്ക്കുകയെന്നതാണ് പ്രധാന ചുമതല.

നിലവില്‍ വിവിധ തസ്തികളിലായി 64 ഒഴിവുകളിലേക്ക് യു.പി.എസ്.സി വിജ്ഞാപനം(notifications) പറത്തിറക്കിയിരിക്കുന്നത്‌.കൂടുതല്‍ വിവരങ്ങള്‍ പരിശോധിക്കാം.

അസിസ്റ്റന്റ് പ്രൊഫസര്‍, അസിസ്റ്റന്റ് ഡിഫന്‍സ് എസ്റ്റേറ്റ് ഓഫീസര്‍, സീനിയര്‍ സയന്റിഫിക് ഓഫീസര്‍ ഗ്രേഡ്-II, അസിസ്റ്റന്റ് ഡയറക്ടര്‍, മെഡിക്കല്‍ ഓഫീസര്‍ എന്നീ തസ്തികകളിലേയ്ക്കായി ആകെ 64 ഒഴിവ് ആണ് ഉള്ളത്

ടെസ്റ്റ് വഴിയാണ് ആദ്യ ഘട്ട തിരഞ്ഞെടുപ്പ് നടത്തുക, തുടര്‍ന്ന് ഇന്റര്‍വ്യൂവും ഉണ്ടാകും
നിശ്ചിത യോഗ്യത ഉള്ള കുറഞ്ഞത് 30 വയസ്സ് പ്രായമുള്ളവരും 40 വയസ്സില്‍ കൂടാത്തവർക്കും അപേക്ഷിക്കാം . നവംബർ 11 നു മുൻപ് അപേക്ഷിക്കണം

സര്‍ക്കാര്‍ അംഗീകൃത വിദ്യാഭ്യാസ സ്ഥാപനങ്ങളില്‍ നിന്ന് ലഭിച്ച ബിഇ/ബിടെക്/ എംഎസ്സി/ മാസ്റ്റര്‍ ബിരുദം ഉണ്ടായിരിക്കണം. 2 മുതല്‍ 3 വര്‍ഷം വരെ പ്രവൃത്തിപരിചയം ഉണ്ടായിരിക്കണം

ഏഴാമത് പേ കമ്മീഷനെ അടിസ്ഥാനമാക്കിയുള്ള ശമ്പളം ലഭിക്കും. ഓണ്‍ലൈനായി അപേക്ഷിക്കാം
അപേക്ഷ ഫീസ് - 25 രൂപ / - SC / ST - ക്കാർക്ക് ഫീസ് ഇല്ല

കൂടുതല്‍ വിവരങ്ങള്‍ക്ക്  https://www.upsc.gov.in/sites/default/files/Advt-No-15-2021-engl-221021.pdf  എന്നതില്‍ ഔദ്യോഗിക അറിയിപ്പ് സന്ദര്‍ശിക്കുക .

വെബ്സൈറ്റ്  https://www.upsc.gov.in/ 

ഇനി മത്സരപരീക്ഷകളിൽ PSC യുമായി ബന്ധപ്പെട്ട ഉണ്ടാകാറുള്ള ചില ചോദ്യങ്ങൾക്കുള്ള ഉത്തരങ്ങൾ കാണാം
ഗവണ്മെന്റ് ഓഫ് ഇന്ത്യ ആക്റ്റ്(1919) പ്രകാരം 1926 ഒക്ടോബർ 1-നാണ് ഇന്ത്യയിൽ പബ്ലിക് സർവീസ് കമ്മീഷൻ നിലവിൽ വന്നത് എന്ന് ആദ്യമേ പറഞ്ഞുവല്ലോ..? . എന്നാൽ ഒരു ഫെഡറൽ സംവിധാനത്തിലുള്ള വിവിധ പബ്ലിക് സർവീസ് കമ്മീഷൻ രൂപീകരിക്കാൻ കാരണമായത് 1935 ഗവണ്മെന്റ് ഓഫ് ഇന്ത്യ ആക്ട് ആണ്.

കേന്ദ്ര-സംസ്ഥാന സർക്കാറുകളുടെ വിവിധ സർവ്വീസുകളിലേയ്ക്ക് ഉദ്യോഗാർത്ഥികളെ മത്സരപരീക്ഷകൾ മുഖേന പ്രവേശിപ്പിയ്ക്കുകയെന്നതാണ് പ്രധാന ചുമതല. യൂണിയൻ പബ്ലിക് സർവ്വീസ് കമ്മീഷനിലെ (UPSC) അംഗങ്ങളെ പ്രസിഡണ്ടും സംസ്ഥാനങ്ങളിലേത് ഗവർണറും നിയമിയ്ക്കുന്നു. ചെയർമാനെ കൂടാതെ 9 അംഗങ്ങൾ ഇപ്പോൾ നിലവിലുണ്ട്. അംഗങ്ങൾക്ക് 6 വർഷമോ അല്ലെങ്കിൽ 65 വയസോ ആണ് അംഗത്തിന്റെ കാലാവധി.

മത്സരപരീക്ഷകളിൽ പൊതുവെ കാണാറുള്ള ചോദ്യങ്ങളും ഉത്തരങ്ങളും

മെറിറ്റ് സംവിധാനത്തിൻറെ കാവൽക്കാരൻ എന്നറിയപ്പെടുന്നത് ?

യൂണിയൻ പബ്ലിക് സർവീസ് കമ്മീഷൻ

യൂണിയൻ പബ്ലിക് സർവീസ് കമ്മീഷൻ സ്ഥാപിതമായത് ?
1926

യൂണിയൻ പബ്ലിക് സർവീസ് കമ്മീഷനെ കുറിച്ച് പ്രതിപാദിക്കുന്ന ഭരണഘടനാ വകുപ്പ് ?
അനുഛേദം 315

യൂണിയൻ പബ്ലിക് സർവീസ് കമ്മീഷൻ അംഗങ്ങളുടെ കാലാവധി ?
6 വർഷം അഥവാ 65 വയസ്

സംസ്ഥാന പബ്ലിക് സർവീസ് കമ്മീഷൻ അംഗങ്ങളുടെ കാലാവധി?
6 വർഷം അഥവാ 62 വയസ്

യൂണിയൻ പബ്ലിക് സർവീസ് കമ്മീഷൻ അംഗങ്ങളുടെ എണ്ണം ?
11 (ചെയർമാൻ ഉൾപ്പെടെ)

യൂണിയൻ പബ്ലിക് സർവീസ് കമ്മീഷൻ ആദ്യ ചെയർമാൻ ?
സർ റോസ് ബാർക്കർ

യു പി എസ് സി അംഗങ്ങളെ നിയമിക്കുന്നത് ?
പ്രസിഡൻറ്

യു പി എസ് സി അംഗങ്ങളെ നീക്കം ചെയ്യുന്നത് ?
പ്രസിഡൻറ്

സംസ്ഥാന പി എസ് സി അംഗങ്ങളെ നിയമിക്കുന്നത് ?
ഗവർണ്ണർ

സംസ്ഥാന പി എസ് സി അംഗങ്ങളെ നീക്കം ചെയ്യുന്നത് ?
ഗവർണ്ണർ

യു പി എസ് സിയിൽ അംഗമായ ആദ്യ മലയാളി ?
കെ ജി അടിയോടി

തിരുവിതാംകൂർ പി എസ് സി സ്ഥാപിക്കുന്നത് ?
1936 (കേരള പി എസ് സി ആയത് 1956 ഇൽ)

കേരളാ പി എസ് സിയുടെ ആദ്യ ചെയർമാൻ ?
ഇ കെ വേലായുധൻ

കേന്ദ്ര സർക്കാർ ഓഫിസുകളിൽ മിഡിൽ, ലോവർ ലെവൽ തസ്തികകളിലേക്കുള്ള നിയമനം നടത്തുന്നത് ?
സ്റ്റാഫ് സെലക്ഷൻ കമ്മീഷൻ

യു പി എസ് സിയുടെ നിലവിലെ ചെയർമാൻ
പ്രദീപ്കുമാർ ജോഷി

കേരളാ പി എസ് സിയുടെ നിലവിലെ ചെയർമാൻ
എം കെ സക്കീർ