ഭൂഗർഭ പെട്രോളിയം ഉൽപന്നങ്ങളുടെ ഖനനത്തിൽ ഇന്ത്യാ ഗവൺമെന്റിന്റെ ഏറ്റവും വലിയ രണ്ടാമത്തെ പൊതുമേഖലാ സ്ഥാപനമാണ് ഓയിൽ ഇന്ത്യ ലിമിറ്റഡ്. ഓയിൽ ഇന്ത്യ ലിമിറ്റഡിന്റെ വിവിധ തസ്തികകളിലേക്ക് അപേക്ഷ ക്ഷണിച്ചിരിക്കുകയാണ്. ഡിപ്ലോമ വര്‍ക്കേഴ്‌സ് ഗ്രേഡ് VII തസ്തികകളിലെ 146 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.

അപേക്ഷിക്കാനുള്ള വിദ്യാഭ്യാസ യോഗ്യത നോക്കാം, കെമിക്കൽ, സിവിൽ, സിഎസ്ഇ, ഇഇഇ, ഇടിഇ, ഇൻസ്ട്രുമെന്റേഷൻ, മെക്കാനിക്കൽ എന്നിവ പഠിച്ചവർക്കാണ് അവസരം. 18 - 35 വയസ്സിന് ഇടയിലുള്ളവര്‍ക്ക് ഈ തസ്തികകളിലേക്ക് അപേക്ഷിക്കാവുന്നതാണ്. മാര്‍ക്കിന്റെ അടിസ്ഥാനത്തിലാണ് ഉദ്യോഗാര്‍ത്ഥികളെ തിരഞ്ഞെടുക്കുക.

37,000 രൂപ മുതല്‍ 1,45,000 രൂപ വരെയാണ് ശമ്പളം. താത്പര്യമുള്ളവര്‍ക്ക് ഓണ്‍ലൈനായി അപേക്ഷിക്കാവുന്നതാണ്. 11.11.2021 മുതൽ അപേക്ഷ സ്വീകരിച്ച് തുടങ്ങിയി‌ട്ടുണ്ട്. അടുത്ത മാസം 9 തീയതിവരെ ഉദ്യോഗാർത്ഥികൾക്ക് അപേക്ഷിക്കാൻ അവസരമുണ്ട്.

അപേക്ഷ ഫീസ് ജനറൽ / OBC (NCL) Rs.200 / - General / OBC (NCL) Rs.200 / - SC / ST / PwBD / EWS / Ex-Servicemen അപേക്ഷാ ഫീസ് ഇല്ല. തിരഞ്ഞെടുക്കുന്നവരെ അസം, അരുണാചൽ പ്രദേശ് എന്നിവി‌ടങ്ങളിലായിരിക്കും നിയമിക്കുക. കൂടുതൽ വിവരങ്ങൾ വിശദമായി അറിയാനായി https://www.oil-india.com/Current_openNew.aspx വെബ്സൈറ്റ് സന്ദർശിക്കുക.