എസ്.എസ്.എല്‍.സി പരീക്ഷ ഫലം ഇന്ന്... ഉച്ചകഴിഞ്ഞ് മൂന്നിന് പിആര്‍ ചേംബറില്‍ വിദ്യാഭ്യാസമന്ത്രി വി ശിവന്‍കുട്ടിയാണ് പരീക്ഷാഫലം പ്രഖ്യാപിക്കുക, കോവിഡ് വ്യാപന കാലത്ത് ഒഴിവാക്കിയ വിദ്യാര്‍ത്ഥികളുടെ ഗ്രേസ് മാര്‍ക്ക് ഇത്തവണ പുനക്രമീകരിച്ചിട്ടുണ്ട്
എസ്.എസ്.എല്‍.സി പരീക്ഷ ഫലം മേയ് 19ന് പ്രഖ്യാപിക്കും. വിദ്യാഭ്യാസ മന്ത്രി വി. ശിവന്‍കുട്ടി ഫേസ്ബുക്കിലൂടെയാണ് ഇക്കാര്യം അറിയിച്ചത്. നേരത്തെ മേയ് 20ന് ഫലം പ്രഖ്യാപിക്കുമെന്നായിരുന്നു മന്ത്രി അറിയിച്ചിരുന്നത്. എന്നാല്‍, പറഞ്ഞതിനും ഒരു ദിവസം മുമ്പ് ഫലപ്രഖ്യാപനം നടത്തുകയാണെന്ന് മന്ത്രി പറഞ്ഞു.
ഫലമറിയാന്‍ എന്ന പ്രത്യേക ക്ലൗഡധിഷ്ഠിത പോര്‍ട്ടലിന് പുറമെ 'സഫലം 2023' എന്ന മൊബൈല്‍ ആപ്പും കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) സജ്ജമാക്കി. വ്യക്തിഗത ഫലത്തിനുപുറമെ സ്‌കൂള്‍ - വിദ്യാഭ്യാസ ജില്ല - റവന്യൂജില്ലാ തലങ്ങളിലുള്ള അവലോകനം, വിഷയാധിഷ്ഠിത അവലോകനങ്ങള്‍, വിവിധ റിപ്പോര്‍ട്ടുകള്‍ തുടങ്ങിയവ ഉള്‍ക്കൊള്ളുന്ന പൂര്‍ണ്ണമായ വിശകലനം പോര്‍ട്ടലിലും മൊബൈല്‍ ആപ്പിലും 'റിസള്‍ട്ട് അനാലിസിസ്' എന്ന ലിങ്ക് വഴി ലോഗിന്‍ ചെയ്യാതെ തന്നെ ലഭിക്കും.
ഗൂഗിള്‍ പ്ലേ സ്റ്റോറില്‍ നിന്നും 2023 എന്ന് സെര്‍ച്ച് ചെയ്ത് ആപ് ഡൗണ്‍ലോഡ് ചെയ്യാന്‍ സാധിക്കും. എസ്എസ്എല്‍സി ഫലപ്രഖ്യാപനത്തോടൊപ്പം ടിഎച്ച് എസ്എല്‍സി, ടിഎച്ച് എസ്എല്‍സി(ഹിയറിംഗ് ഇംപേര്‍ഡ്) എസ്എസ്എല്‍സി( ഹിയറിംഗ് ഇംപേര്‍ഡ്),എഎച്ച് എസ്എല്‍സി എന്നീ പരീക്ഷകളുടെ ഫലപ്രഖ്യാപനവും ഉണ്ടാകും. പ്രഖ്യാപനത്തിനു ശേഷം വൈകുന്നേരം നാലു മണി മുതല്‍ പരീക്ഷാഫലം ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പിആര്‍ഡി ലൈവ് മൊബൈല്‍ ആപ്പിലും വിവിധ വെബ് സൈറ്റുകളിലും ലഭ്യമാകും.
അതേസമയം ജൂണ്‍ ഒന്നിനാണ് സംസ്ഥാനത്ത് സ്‌കൂളുകള്‍ തുറക്കുക. കഴിഞ്ഞ വര്‍ഷത്തെ അപേക്ഷിച്ച് കുട്ടികളുടെ എന്നതില്‍ വര്‍ധനയുണ്ടായിട്ടുണ്ട്. 47 ലക്ഷം വിദ്യാര്‍ത്ഥികളാണ് സ്‌കൂളുകളില്‍ എത്തിച്ചേരുക. എല്ലാ സ്‌കൂളുകളിലും പ്രവേശനോത്സവം നടക്കും. പ്രവേശനോത്സവത്തിന്റെ സംസ്ഥാനതല ഉദ്ഘാടനം മലയിന്‍കീഴ് ബോയ്‌സ് സ്‌കുളില്‍ മുഖ്യമന്ത്രി നിര്‍വഹിക്കുന്നതാണ്.
https://www.facebook.com/Malayalivartha
