വൊക്കേഷണല്‍ ഹയര്‍ സെക്കന്‍ഡറിയുടെ ഒന്നാം വര്‍ഷ പ്രവേശനത്തിന് ജൂണ്‍ രണ്ട് മുതല്‍ ഒമ്പത് വരെ അപേക്ഷിക്കാം. ജൂണ്‍ 13ന് ട്രയല്‍ അലോട്ട്മെന്റും 19ന് ആദ്യ അലോട്ട്മെന്റും നടക്കും.

മുഖ്യ അലോട്ട്മെന്റ് ജൂലായ് ഒന്നിന് അവസാനിപ്പിച്ച് അഞ്ചിന് ക്ലാസാരംഭിക്കും. പഠിച്ച സ്‌കൂള്‍ വഴിയോ തൊട്ടടുത്തുള്ള സര്‍ക്കാര്‍, എയ്ഡഡ് വൊക്കേഷണല്‍ സ്‌കൂളിലെയോ സൗകര്യമുപയോഗിച്ചും www.admission.dge.kerala.gov.in എന്ന വെബ്സൈറ്റില്‍ കാന്‍ഡിഡ് ലോഗിന്‍ ചെയ്ത് Apply Online എന്ന ലിങ്കിലൂടെ നേരിട്ടും അപേക്ഷകള്‍ സമര്‍പ്പിക്കാം.


വൊക്കേഷണല്‍ എയ്ഡഡ് ഹയര്‍സെക്കന്‍ഡറി സ്‌കൂളുകളിലെ മാനേജ്മെന്റ് ക്വാട്ടകളില്‍ (20 ശതമാനം സീറ്റുകള്‍) അതത് മാനേജ്മെന്റുകളാണ് പ്രവേശനം നടത്തുന്നത്. അതിനായി സ്‌കൂളുകളില്‍ പ്രത്യേക അപേക്ഷ പൂരിപ്പിച്ച് നല്‍കുകയും വേണം.