പ്ലസ് വണ് പ്രവേശനത്തിന്റെ ആദ്യ സപ്ളിമെന്ററി അലോട്ട്മെന്റില് ഇന്ന് വൈകുന്നേരം നാലു വരെ പ്രവേശനം നേടാം...
പ്ലസ് വണ് പ്രവേശനത്തിന്റെ ആദ്യ സപ്ളിമെന്ററി അലോട്ട്മെന്റില് ഇന്ന് വൈകിട്ട് നാലു വരെ പ്രവേശനം നേടാം. ഇന്നലെയാണ് സപ്ളിമെന്ററി ലിസ്റ്റ് പ്രകാരം പ്രവേശനം ആരംഭിച്ചത്. വിവിധ ക്വാട്ടകളില് നിന്ന് മെരിറ്റിലേക്ക് മാറ്റിയതുള്പ്പെടെയുള്ള 45,394 സീറ്റുകളില് 35163 പേരാണ് അലോട്ട്മെന്റില് ഇടം നേടിയത്. 68,739 അപേക്ഷകളില് 67,596 എണ്ണമാണ് അലോട്ട്മെന്റിനായി പരിഗണിച്ചത്.
സപ്ലിമെന്ററി അലോട്ട്മെന്റിനായി അപേക്ഷിച്ച ശേഷം മറ്റ് ക്വാട്ടകളില് പ്രവേശനം നേടിയ 194 അപേക്ഷകളും ഓപ്ഷനില്ലാത്തതും മറ്റു കാരണങ്ങളാല് അര്ഹതയില്ലാത്തതുമായ 949 അപേക്ഷകളും പരിഗണിച്ചിട്ടില്ല. സംവരണതത്വം അനുസരിച്ച് നിലവില് ഉണ്ടായിരുന്ന ഒഴിവുകള് ജില്ല ഒരു യൂണിറ്റായി പരിഗണിച്ചായിരുന്നു അലോട്ട്മെന്റ്.
തുടര് അലോട്ട്മെന്റ് വിവരങ്ങള് 18ന് വെബ്സൈറ്റില് പ്രസിദ്ധീകരിക്കും. അടുത്ത ഘട്ടത്തില് താലൂക്ക് തലത്തില് പ്രവേശനം നേടാത്തവരുടെ എണ്ണമെടുത്ത് ലിസ്റ്റ് പ്രസിദ്ധീകരിക്കാനാണ് ലക്ഷ്യമിടുന്നത്. നിരവധി കുട്ടികള് അഡ്മിഷന് പട്ടികയ്ക്ക് പുറത്തു നില്ക്കുന്നതിനാല് ആവശ്യമുള്ളയിടങ്ങളില് അധിക ബാച്ച് അനുവദിച്ചേക്കുമെന്നും സൂചനകളുണ്ട്.
https://www.facebook.com/Malayalivartha