എയ്ഡഡ് സ്‌കൂളിലടക്കം മെരിറ്റ് ക്വാട്ടയില്‍ പ്ലസ് വണ്‍ പ്രവേശനം നേടിയ വിദ്യാര്‍ത്ഥികള്‍ക്ക് സ്‌കൂളും കോമ്പിനേഷനും മാറാന്‍ ഇന്ന് വൈകിട്ട് നാലുവരെ അപേക്ഷിക്കാവുന്നതാണ്. പുതിയ 97 താത്കാലിക ബാച്ചും ചേര്‍ത്ത് 22,986 സീറ്റുണ്ട്. മലപ്പുറത്ത് 53 താത്കാലിക ബാച്ചും ചേര്‍ത്ത് 3538 സീറ്റുണ്ട്.

ജില്ലയിലെ മറ്റൊരു സ്‌കൂളിലേക്ക് മാറാം. വിഷയങ്ങളുടെ കോമ്പിനേഷന്‍ പുതുക്കി അതേ സ്‌കൂളിലോ മറ്റൊരു സ്‌കൂളിലോ പഠിക്കാവുന്നതാണ്. ട്രാന്‍സ്ഫര്‍ അലോട്ട്മെന്റ് ആഗസ്റ്റ് ആദ്യം പ്രസിദ്ധീകരിക്കും. ഒന്നാം ഓപ്ഷനില്‍ പ്രവേശനം നേടിയവര്‍ക്കും അധിക സീറ്റില്‍ പ്രവേശനം നേടിയവര്‍ക്കും ഭിന്നശേഷി, സ്പോര്‍ട്‌സ്, മാനേജ്മെന്റ്, കമ്മ്യൂണിറ്റി ക്വാട്ടയില്‍ പ്രവേശനം നേടിയവര്‍ക്കും അപേക്ഷിക്കാനാവില്ല.

താത്കാലിക ബാച്ചിലേക്ക് രണ്ട് അലോട്ട്‌മെന്റുകള്‍ കൂടി നടത്തും.അതിനുശേഷം അന്തര്‍ജില്ലാ ട്രാന്‍സ്ഫറിന് അവസരമുണ്ട്.


ഒഴിവുകളിങ്ങനെ... തിരുവനന്തപുരം- 1539, കൊല്ലം- 2094, പത്തനംതിട്ട- 2269, കോഴിക്കോട് - 1406,വയനാട് - 486,കണ്ണൂര്‍- 1695,കാസര്‍കോട്- 1646.ആലപ്പുഴ- 1344, കോട്ടയം- 1193, ഇടുക്കി- 1030,എറണാകുളം- 2579,തൃശൂര്‍- 1264,പാലക്കാട്- 903,മലപ്പുറം- 3538