പൊതുവിദ്യാലയങ്ങളില് ഓണപ്പരീക്ഷ ആഗസ്റ്റ് 16 മുതല് 24 വരെ നടക്കും...ഓണാവധിക്കായി 26ന് അടച്ച് സെപ്തംബര് 4ന് തുറക്കും
പൊതുവിദ്യാലയങ്ങളില് ഓണപ്പരീക്ഷ ആഗസ്റ്റ് 16 മുതല് 24 വരെ നടക്കും. യു.പി, ഹൈസ്കൂള്, ഹയര് സെക്കന്ഡറി പരീക്ഷകള് 16 മുതലും എല്.പി പരീക്ഷകള് 19 മുതലുമാണ്. 24ന് പരീക്ഷകള് അവസാനിക്കും.
25ന് വിദ്യാലയങ്ങളില് ഓണാഘോഷ പരിപാടികള് നടത്തും. ഓണാവധിക്കായി 26ന് അടച്ച് സെപ്തംബര് 4ന് തുറക്കും. പൊതുവിദ്യാഭ്യാസ ഡയറക്ടര് എസ്.ഷാനവാസിന്റെ അദ്ധ്യക്ഷതയില് ചേര്ന്ന ക്യൂ.ഐ.പി മോണിറ്ററിംഗ് കമ്മിറ്റിയുടേതാണ് തീരുമാനം.
അതേസമയം അധ്യാപകരെ കുട്ടികള് മാഷ്, സര്, ടീച്ചര് എന്ന് വിളിക്കുന്നതിന് പകരം ലിംഗ സമത്വം പാലിച്ച് ഏകീകൃത പേര് ഏര്പ്പെടുത്തണമെന്ന ബാലാവകാശ കമീഷന് നിര്ദേശം നടപ്പാക്കരുതെന്ന് ക്യുഐപി യോഗം സര്ക്കാരിന് ശുപാര്ശ ചെയ്തു. സര്, മാഷ്, ടീച്ചര് എന്ന് അധ്യാപകരെ വിളിക്കുന്നത് കാലങ്ങളായി തുടര്ന്നുവരുന്നതാണ്.
ഏതെങ്കിലും അധ്യാപകന് എന്നെ മാഷ് എന്ന് വിളിക്കരുത് സര് എന്ന് വിളിക്കണമെന്ന് ഇതുവരെ പറഞ്ഞിട്ടില്ല. കുട്ടികള് അവര് ജീവിക്കുന്ന പശ്ചാത്തലത്തിന്റെ അടിസ്ഥാനത്തില് വിളിക്കുന്ന ശൈലി മാറ്റേണ്ടെന്നാണ് യോഗം ഏകകണ്ഠമായി ശുപാര്ശ ചെയ്തത്.
ദിവസവേതനത്തിന് നിയമിക്കപ്പെട്ട അധ്യാപകര്ക്ക് അതത് സമയം വേതനം ഉറപ്പാക്കുക, പാഠപുസ്തക വിതരണത്തില് വിരമിച്ച അധ്യാപകര്ക്കുള്ള ബാധ്യതാ പ്രശ്നം പരിഹരിക്കുക എന്നടക്കമുള്ള നിര്ദേശങ്ങളും യോഗം ശുപാര്ശ ചെയ്തു.
"
https://www.facebook.com/Malayalivartha