സര്‍ക്കാര്‍, സ്വാശ്രയ കോളേജുകളിലെ എം.ബി.ബി.എസ്, ബി.ഡി.എസ് കോഴ്‌സുകളിലെ സംസ്ഥാന ക്വോട്ട സീറ്റുകളിലേക്കുള്ള മൂന്നാം അലോട്ട്‌മെന്റ് നടപടികള്‍ ആരംഭിച്ചു
സര്‍ക്കാര്‍, സ്വാശ്രയ കോളേജുകളിലെ എം.ബി.ബി.എസ്, ബി.ഡി.എസ് കോഴ്‌സുകളിലെ സംസ്ഥാന ക്വോട്ട സീറ്റുകളിലേക്കുള്ള മൂന്നാം അലോട്ട്‌മെന്റ് നടപടികള്‍ ആരംഭിച്ചു.
അലോട്ട്‌മെന്റിന് പരിഗണിക്കപ്പെടാന്‍ വെബ്‌സൈറ്റില്‍ ഓപ്ഷന്‍ കണ്‍ഫര്‍മേഷന്‍ നടത്തണം. ഹയര്‍ ഓപ്ഷന്‍ പുനഃക്രമീകരണം, ആവശ്യമില്ലാത്തവ റദ്ദാക്കല്‍, പുതുതായി കൂട്ടിച്ചേര്‍ത്ത കോഴ്‌സുകളിലേക്കും കോളേജുകളിലേക്കും ഓപ്ഷന്‍ രജിസ്ട്രേഷന് എന്നിവ 11ന് വൈകിട്ട് മൂന്നുവരെ www.cee.kerala.gov.in ല്‍ നടത്താം.
ആയുര്‍വേദ, ഹോമിയോ, സിദ്ധ, യുനാനി, ഫാര്‍മസി, അഗ്രികള്‍ച്ചര്‍, ഫോറസ്ട്രി, ഫിഷറീസ്, വെറ്ററിനറി, കോ-ഓപ്പറേഷന്‍ ആന്‍ഡ് ബാങ്കിംഗ്, ക്ലൈമറ്റ് സയന്‍സ് ആന്‍ഡ് ആന്‍ഡ് എന്‍വയണ്‍മെന്റല്‍ സയന്‍സ്, ബി.ടെക് ബയോടെക്‌നോളജി കോഴ്‌സുകളിലേക്കുള്ള ഒന്നാം അലോട്ട്‌മെന്റ് നടപടികളും ഇതോടൊപ്പം ആരംഭിച്ചിട്ടുണ്ട്.
ആയുര്‍വേദ റാങ്ക് ലിസ്റ്റിലുള്ളവര്‍ക്ക് ആയുര്‍വേദ കോഴ്‌സുകളിലും മെഡിക്കല്‍ റാങ്ക് ലിസ്റ്റിലുള്ളവര്‍ക്ക് മെഡിക്കല്‍, അനുബന്ധ കോഴ്‌സുകളിലും ഫാര്‍മസി റാങ്ക് ലിസ്റ്റിലുള്ളവര്‍ക്ക് ഫാര്‍മസി കോഴ്‌സുകളിലും ഓപ്ഷന്‍ രജിസ്ട്രേഷന് സൗകര്യമുണ്ട്. വിവരങ്ങള്‍ക്ക്www.cee.kerala.gov.in.
"
https://www.facebook.com/Malayalivartha
