സര്ക്കാര്, എയ്ഡഡ് കോളേജുകളിലെ ഗസ്റ്റ് അധ്യാപകനിയമനത്തിന് വിരമിച്ച അധ്യാപകരെ പരിഗണിക്കാമെന്ന വ്യവസ്ഥ ഒഴിവാക്കി...
സര്ക്കാര്, എയ്ഡഡ് കോളേജുകളിലെ ഗസ്റ്റ് അധ്യാപകനിയമനത്തിന് വിരമിച്ച അധ്യാപകരെ പരിഗണിക്കാമെന്ന വ്യവസ്ഥ ഒഴിവാക്കി. മാര്ഗരേഖ പുതുക്കിയുള്ള ഉത്തരവ് ഉടന് ഇറങ്ങും. പുതുക്കിയ മാര്ഗരേഖയിലെ മറ്റു വ്യവസ്ഥകള് നിലനില്ക്കും. പിഎസ്സി റാങ്ക് പട്ടികയിലുള്ളവര്ക്കായിരിക്കും പ്രഥമ പരിഗണന.
യുജിസി ചട്ടമനുസരിച്ച് അസി. പ്രൊഫസറായി നിയമനത്തിന് യോഗ്യതയുള്ളവര്ക്ക് ഗസ്റ്റ് അധ്യാപകരാകാം. അതത് മേഖലാ ഡെപ്യൂട്ടി ഡയറക്ടറേറ്റുകളില് ഗസ്റ്റ് അധ്യാപകപാനലില് രജിസ്റ്റര്ചെയ്തവരെ പരിഗണിക്കാം.
തെരഞ്ഞെടുപ്പ് സമിതിയുടെ ചെയര്മാന് പ്രിന്സിപ്പലോ പ്രിന്സിപ്പല് നിര്ദേശിക്കുന്ന മുതിര്ന്ന അധ്യാപകനോ ആയിരിക്കണം. വകുപ്പ് അധ്യക്ഷന്/ ചുമതലവഹിക്കുന്നയാള്, രണ്ട് വിഷയ വിദഗ്ധര് എന്നിവരും പട്ടികജാതി, പട്ടികവര്ഗം, ന്യൂനപക്ഷം, വനിത, ഭിന്നശേഷി വിഭാഗക്കാര് അഭിമുഖത്തില് പങ്കെടുക്കുന്നുണ്ടെങ്കില് ആ വിഭാഗത്തില്നിന്നുള്ള ഒരു അധ്യാപക പ്രതിനിധിയും പാനലിലുണ്ടാകണം.
വിഷയവിദഗ്ധരില് ഒരാള് നിര്ബന്ധമായും കോളേജിനുപുറത്തു നിന്നുള്ള ആളായിരിക്കണം. ഒരുദിവസം പരമാവധി മൂന്നുമണിക്കൂറാണ് ഗസ്റ്റ് അധ്യാപകരുടെ ജോലിസമയം. ആഴ്ചയില് അഞ്ച്--ഏഴ് മണിക്കൂറെങ്കില് പരമാവധി മൂന്നുദിവസമായും എട്ട്--പത്ത് മണിക്കൂറെങ്കില് പരമാവധി നാലുദിവസമായും 11 മണിക്കൂറോ അതിലേറെയോ ആണെങ്കില് പരമാവധി അഞ്ചുദിവസമായും കണക്കാക്കണം.
നിയമനം ദിവസവേതനാടിസ്ഥാനത്തില് ആയതിനാല് ജോലിചെയ്യുന്ന ദിവസത്തെ ശമ്പളമേ ഗസ്റ്റ് അധ്യാപകര്ക്ക് ലഭിക്കൂ. മറ്റൊരു ആനുകൂല്യത്തിനും അര്ഹതയുണ്ടാകില്ല. സ്ഥിരാധ്യാപകരുടെ ശൂന്യവേതനാവധി മൂന്നുമാസമോ അതിലേറെയോ ആണെങ്കില് കോളേജുകള്ക്ക് ഗസ്റ്റ് അധ്യാപകരെ നിയമിക്കാം.
സ്ഥിരാധ്യാപകര്ക്ക് 16 മണിക്കൂര്വീതം ജോലിസമയം ഉറപ്പാക്കിയശേഷമേ ഗസ്റ്റ് അധ്യാപകരെ നിയമിക്കാവൂ. പ്രിന്സിപ്പലിന്റെ ഉത്തരവിനുവിധേയമായി ഇന്വിജിലേഷന് ഡ്യൂട്ടി, മൂല്യനിര്ണയം എന്നിവയ്ക്കും കലാകായിക പ്രവര്ത്തനങ്ങള്ക്കും പഠനയാത്രയ്ക്കുമൊക്കെ ഗസ്റ്റ് അധ്യാപകരെ നിയോഗിക്കാവുന്നതാണ്.
"
https://www.facebook.com/Malayalivartha
