മെഡിക്കല്‍ പി.ജി പ്രവേശനത്തിനുള്ള ദേശീയ പരീക്ഷയായ നീറ്റ്പി.ജി ജൂലൈ ആദ്യവാരവും കൗണ്‍സലിങ് ആഗസ്റ്റ് ആദ്യവാരവും നടക്കുമെന്ന് ഔദ്യോഗിക വൃത്തങ്ങള്‍ അറിയിച്ചു. ദേശീയ എക്‌സിറ്റ് ടെസ്റ്റ് (നെക്സ്റ്റ്) ഈ വര്‍ഷം നടത്തില്ല.

ഈയിടെ വിജ്ഞാപനം ചെയ്ത ബിരുദാനന്തര മെഡിക്കല്‍ വിദ്യാഭ്യാസ ചട്ടങ്ങള്‍ അനുസരിച്ച്, പി.ജി പ്രവേശനത്തിനായി നിര്‍ദിഷ്ട നെക്സ്റ്റ് പ്രവര്‍ത്തനക്ഷമമാകുന്നതുവരെ നിലവിലുള്ള നീറ്റ് പി.ജി പരീക്ഷ തുടരും. വിവിധ എം.ഡി/എം.എസ്, പി.ജി ഡിപ്ലോമ കോഴ്‌സുകളിലേക്ക് പ്രവേശനത്തിനുള്ള പരീക്ഷയാണ് നീറ്റ് പി.ജി.