ജോയന്റ് എന്‍ട്രന്‍സ് എക്‌സാമിനേഷന്‍ (ജെ.ഇ.ഇ മെയിന്‍) 2024 പേപ്പര്‍ 1 പരീക്ഷ കേന്ദ്രങ്ങള്‍ നാഷണല്‍ ടെസ്റ്റിങ് ഏജന്‍സി പ്രഖ്യാപിച്ചു. ബി.ഇ/ ബി.ടെക് പരീക്ഷാ കേന്ദ്രം സംബന്ധിച്ച അറിയിപ്പ് https://jeemain.nta.ac.in/ എന്ന ഔദ്യോഗിക വെബ്‌സൈറ്റില്‍ ലഭ്യമാണ്.

അപേക്ഷാ നമ്പറും ജനനത്തീയതിയും നല്‍കി പരീക്ഷയുടെ സിറ്റി സ്ലിപ്പ് ഇവിടെ നിന്ന് ഡൗണ്‍ലോഡ് ചെയ്യാവുന്നതാണ്. ബി.ടെക്/ ബി.ഇ പേപ്പര്‍ ക പരീക്ഷ ജനുവരി 27, 29, 30, 31, ഫെബ്രുവരി 1 തീയതികളില്‍ നടത്തും. രണ്ട് ഷിഫ്റ്റുകളിലായാണ് പരീക്ഷ നടത്തുക. രാവിലെ 9 മുതല്‍ 12 വരെയാണ് ആദ്യ ഷിഫ്റ്റ്. 3 മുതല്‍ 6 വരെ രണ്ടാം ഷിഫ്റ്റും.

ജനുവരി 24നാണ് ബി.ആര്‍ക്, ബി പ്ലാനിങ് (പേപ്പര്‍ 2എ, 2ബി) പരീക്ഷ. ഇതിന്റെ പരീക്ഷാ കേന്ദ്രങ്ങള്‍ കഴിഞ്ഞ ദിവസം അനുവദിച്ചിട്ടുണ്ടായിരുന്നു.