എസ്.എസ്.എല്‍.സി, ടി.ച്ച്.എസ്.എല്‍.സി, ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷകളുടെ മൂല്യനിര്‍ണയം ഇന്ന് ആരംഭിക്കും...എസ്.എസ്.എല്‍.സി 70 ക്യാമ്പുകളിലായി 14,000 അദ്ധ്യാപകര്‍ പങ്കെടുക്കും
എസ്.എസ്.എല്‍.സി, ടി.ച്ച്.എസ്.എല്‍.സി, ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷകളുടെ മൂല്യനിര്‍ണയം ഇന്ന് ആരംഭിക്കും.
എസ്.എസ്.എല്‍.സി മൂല്യനിര്‍ണയത്തിനായി 70 ക്യാമ്പുകളിലായി 14,000 അദ്ധ്യാപകര്‍ പങ്കെടുക്കും. 38.5 ലക്ഷം ഉത്തരക്കടലാസുകളാണ് മൂല്യനിര്‍ണയം നടത്തുക.
ഹയര്‍ സെക്കന്‍ഡറിയില്‍ 77 ക്യാമ്പുകളാണ് സജ്ജീകരിച്ചിരിക്കുന്നത്. 25 എണ്ണം ഡബിള്‍ വാലുവേഷന്‍ ക്യാമ്പുകളാണ്. 25000 അദ്ധ്യാപകരാണ് മൂല്യനിര്‍ണയം നടത്തുന്നത്. ഒന്നും രണ്ടും വര്‍ഷ ഹയര്‍ സെക്കന്‍ഡറിയില്‍ എട്ടരലക്ഷം കുട്ടികളുടെ 52 ലക്ഷത്തില്‍പ്പരം ഉത്തരക്കടലാസുകളാണ് മൂല്യനിര്‍ണയം നടത്തുന്നത്.
ടി.എച്ച്.എസ്.എല്‍.സിക്ക് രണ്ട് ക്യാമ്പുകളിളായി 110 അദ്ധ്യാപകര്‍ പങ്കെടുക്കും. ഇരുപതിനായിരം ഉത്തരക്കടലാസുകളാണ് മൂല്യനിര്‍ണയം നടത്തേണ്ടത്.
എ.എച്ച്.എസ്.എല്‍.സിയുടെ മൂല്യനിര്‍ണയം ഒരു ക്യാമ്പില്‍ നടത്തും. വൊക്കേഷണല്‍ ഹയര്‍ സെക്കന്‍ഡറിയില്‍ എട്ട് ക്യാമ്പുകളിലാണ് മൂല്യനിര്‍ണയം. 2200 അദ്ധ്യാപകര്‍ പങ്കെടുക്കുകയും ചെയ്യും.
"
https://www.facebook.com/Malayalivartha
