പ്ലസ് വണ് പ്രവേശനത്തിന് മുന്നോടിയായുള്ള ട്രയല് അലോട്ട്മെന്റ് ബുധനാഴ്ച പ്രസിദ്ധപ്പെടുത്തും...
പ്ലസ് വണ് പ്രവേശനത്തിന് മുന്നോടിയായുള്ള ട്രയല് അലോട്ട്മെന്റ് ബുധനാഴ്ച പ്രസിദ്ധപ്പെടുത്തും. കാന്ഡിഡേറ്റ് ലോഗിനിലൂടെ പരിശോധിക്കാം. പ്രവേശനസാധ്യത മനസ്സിലാക്കാന് ഇതിലൂടെ കഴിയും.
അപേക്ഷകളുടെ അന്തിമപരിശോധനയ്ക്കും വേണമെങ്കില് തിരുത്തല് വരുത്താനും ഈ അവസരം പ്രയോജനപ്പെടുത്താവുന്നതാണ്്. തിരഞ്ഞെടുത്ത സ്കൂളും വിഷയവും ഉള്പ്പെടെ മാറ്റാം. ബോണസ് പോയിന്റ്, ടൈ ബ്രേക്ക് പോയിന്റ് എന്നിവയ്ക്ക് അര്ഹതയുള്ളവര് അപേക്ഷയില് അക്കാര്യം ഉള്പ്പെടുത്തണം. പ്രവേശനസമയത്ത് അതിനുള്ള സര്ട്ടിഫിക്കറ്റു ഹാജരാക്കണം. ഹാജരാക്കാന് കഴിയാത്തവര് ട്രയല് അലോട്മെന്റിനു പിന്നാലെ അപേക്ഷയില് ആവശ്യമായ തിരുത്തല് വരുത്തണം. തെറ്റായവിവരം നല്കി നേടുന്ന അലോട്മെന്റ് റദ്ദാക്കും.
ജൂണ് അഞ്ചിനാണ് ആദ്യ അലോട്ട്മെന്റ്. 19-നാണ് മുഖ്യ അലോട്ട്മെന്റ് ഘട്ടം പൂര്ത്തിയാകുക. അതിനിടെ മൂന്ന് അലോട്ട്്മെന്റുകളുണ്ടാകും. ക്ലാസ് ജൂണ് 24-നു തുടങ്ങും. മുഖ്യ അലോട്ട്മെന്റില് പ്രവേശനം കിട്ടാത്തവര് സപ്ലിമെന്ററിയില് പരിഗണിക്കുന്നതിനായി അപേക്ഷ പുതുക്കുകയും വേണം. നേരത്തേ അപേക്ഷിക്കാത്തവര്ക്കും അപ്പോള് അപേക്ഷിക്കാവുന്നതാണ്. ജൂലായ് രണ്ടുമുതല് 31 വരെയാണ് സപ്ലിമെന്ററി അലോട്മെന്റ്.
ആദ്യ ഓപ്ഷനില് തന്നെ അലോട്മെന്റ് കിട്ടുന്നവര് ഫീസടച്ച് സ്ഥിരം പ്രവേശനം നേടുകയും വേണം.
താഴ്ന്ന ഓപ്ഷനിലാണ് കിട്ടിയതെങ്കില് യോഗ്യത സര്ട്ടിഫിക്കറ്റ് ഹാജരാക്കി താത്കാലിക പ്രവേശനം നേടാവുന്നതാണ്. ഫീസ് അടയ്ക്കേണ്ടതില്ല.
അടുത്ത അലോട്മെന്റില് ഉയര്ന്ന ഓപ്ഷന് ലഭിച്ചാല് സര്ട്ടിഫിക്കറ്റുകള് തിരികെവാങ്ങി പുതിയ സ്കൂളില് ചേരുകയും ചെയ്യാം. മുഖ്യ അലോട്മെന്റുകള് പൂര്ത്തിയാകുന്നതുവരെ ഈ രീതിയല് താത്കാലിക പ്രവേശനത്തിന് അവസരമുണ്ടാകും.
"
https://www.facebook.com/Malayalivartha
