മലപ്പുറത്ത് പ്ലസ് വണ് സീറ്റ് ക്ഷാമം ഇല്ലെന്ന് ആവര്ത്തിച്ച് വിദ്യാഭ്യാസ മന്ത്രി വി ശിവന്കുട്ടി...
മലപ്പുറത്ത് പ്ലസ് വണ് സീറ്റ് ക്ഷാമം ഇല്ലെന്ന് ആവര്ത്തിച്ച് വിദ്യാഭ്യാസ മന്ത്രി വി ശിവന്കുട്ടി. പ്ലസ് വണ് സീറ്റ് വിഷയത്തില് അണ് എയ്ഡഡ് മേഖലയിലെ സീറ്റുകളുടെ കണക്ക് സഭയില് ആവര്ത്തിക്കുകയായിരുന്നു വിദ്യാഭ്യാസ മന്ത്രി.
17,298 പേര്ക്കാണ് ഇനി സീറ്റ് കിട്ടാന് ഉള്ളത്. സപ്ലിമെന്ററി അലോട്ട്മെന്റ് കഴിയുമ്പോള് 7408 സീറ്റ് പ്രശ്നം വരും. അതില് നാളെ വിദ്യാര്ത്ഥി സംഘടനകളുമായി ചര്ച്ച നടത്തി പരിഹരിക്കുമെന്നും സഭയില് വി ശിവന്കുട്ടി പറഞ്ഞു. നിയമസഭയില് വീണ്ടും ചര്ച്ചയായി പ്ലസ് വണ് സീറ്റ് പ്രതിസന്ധി.
വിഷയത്തില് ഭരണപക്ഷ എംഎല്എയായ അഹമ്മദ് ദേവര്കോവില് സബ്മിഷന് ഉന്നയിച്ചു. സര്ക്കാര് ഇടപെടല് ഫലപ്രദമാണെങ്കിലും സീറ്റ് ക്ഷാമം ഉണ്ടെന്ന് അഹമ്മദ് ദേവര്കോവില് സമ്മതിച്ചു.
സീറ്റ് ക്ഷാമത്തില് വ്യാജ പ്രചാരണം നടക്കുന്നുണ്ടെന്നും അഹമ്മദ് ദേവര്കോവില് പറഞ്ഞു. എ പ്ലസുകാര്ക്ക് പോലും സീറ്റില്ലാത്ത അവസ്ഥയാണെന്ന് പി കെ കുഞ്ഞാലിക്കുട്ടി നിയമസഭയില് വിമര്ശനം ഉന്നയിച്ചു.
അതേസമയം, പ്ലസ് വണ് സീറ്റ് പ്രതിസന്ധിയില് പ്രതിഷേധിച്ച് സമരം തുടരുന്നു. മലപ്പുറത്തും കോഴിക്കോട്ടും വിദ്യാര്ത്ഥി യുവജന സംഘടനകള് പ്രതിഷേധവുമായി രംഗത്തെത്തി.
https://www.facebook.com/Malayalivartha
