എപിജെ അബ്ദുള്‍ കലാം സാങ്കേതിക സര്‍വകലാശാല കേരളയുടെ ബിടെക് പരീക്ഷാ ഫലം പ്രഖ്യാപിച്ചു. 53 ശതമാനം വിദ്യാര്‍ത്ഥികള്‍ പരീക്ഷ ബിരുദം നേടി വിജയിച്ചു.

കൊല്ലം ടി.കെ.എം എഞ്ചിനീയറിംഗ് കോളേജിലെ സിവില്‍ എഞ്ചിനീയറിങ് വിദ്യാര്‍ത്ഥി ബീമ ജിഹാനാണ് ഈ വര്‍ഷത്തെ ഉയര്‍ന്ന സിജിപിഎ (9.95) നേടി ഒന്നാമതെത്തിയത്.

കെ.ടി.യുവിന് കീഴിലുള്ള ആറാമത്തെ ബി.ടെക് ബാച്ചിന്റെ ഫലപ്രഖ്യാപനമാണ് നടന്നത്. 19 ദിവസം കൊണ്ടാണ് കെടിയു ഫലപ്രഖ്യാപനം നടത്തിയത്. 27000 ത്തോളം വിദ്യാര്‍ത്ഥികളാണ് ഇത്തവണത്തെ ബിടെക് പരീക്ഷ എഴുതിയത്. ഇതില്‍ 14,319 വിദ്യാര്‍ഥികള്‍ മുഴുവന്‍ വിഷയങ്ങളിലും വിജയിച്ചു. ബി.ഡിസൈന്‍, ബി.ആര്‍ക്, ബി.എച്ച്.എം.സി.ടി കോഴ്‌സുകളുടെ ഫലവും പ്രഖ്യാപിച്ചിട്ടുണ്ട്.