പ്ലസ് വണ്‍ ഏകജാലക പ്രവേശനത്തിന്റെ ആദ്യ സപ്ലിമെന്ററി അലോട്ട്മെന്റില്‍ ഇടംനേടിയവര്‍ ചൊവ്വാഴ്ച വൈകീട്ട് നാലിനകം സ്ഥിരപ്രവേശനം നേടണം. പ്രവേശന സമയത്ത് ടിസിയുടെയും സ്വഭാവ സര്‍ട്ടിഫിക്കറ്റിന്റെയും ഒറിജിനല്‍ നിര്‍ബന്ധമായും ഹാജരാക്കണം. വിവരങ്ങള്‍ക്ക് വെബ്സൈറ്റ്:https://hscap.kerala.gov.in 
30,245 പേര്‍ക്കാണ് സപ്ലിമെന്ററി അലോട്ട്മെന്റില്‍ പ്രവേശനം ലഭിച്ചത്. ഇനി 22,729 സീറ്റ് ഒഴിഞ്ഞുകിടക്കുന്നുണ്ട്. 57,662 അപേക്ഷകളാണ് പരിഗണിച്ചത്. ഇതില്‍ 11,326 പേര്‍ സ്വന്തം ജില്ലയ്ക്കുപുറമേ മറ്റു ജില്ലകളിലും അപേക്ഷ സമര്‍പ്പിച്ചവരാണ്

. മുഖ്യഘട്ടത്തില്‍ അലോട്ട്‌മെന്റ് ലഭിക്കാത്തവര്‍ക്കും അപേക്ഷിക്കാത്തവര്‍ക്കും ആദ്യ സപ്ലിമെന്ററി അലോട്ട്‌മെന്റില്‍ അപേക്ഷിക്കാന്‍ അവസരമുണ്ടായിരുന്നു. വൊക്കേഷണല്‍ ഹയര്‍ സെക്കന്‍ഡറി വിഭാഗം സപ്ലിമെന്ററി അലോട്ട്‌മെന്റില്‍ ഇടം നേടിയവരും ചൊവ്വാഴ്ച വൈകീട്ട് നാലിനകം സ്ഥിരപ്രവേശനം നേടേണ്ടതാണ്.