കീം' എഞ്ചിനീയറിംഗ് പ്രവേശനപരീക്ഷയുടെ റാങ്ക് പട്ടിക പ്രഖ്യാപിച്ചു... ഒന്നാം റാങ്ക് ആലപ്പുഴ സ്വദേശി ദേവാനന്ദിന്
കീം' എഞ്ചിനീയറിംഗ് പ്രവേശനപരീക്ഷയുടെ റാങ്ക് പട്ടിക പ്രഖ്യാപിച്ചു. പ്രവേശനപരീക്ഷാ ചരിത്രത്തില് പുതിയ അദ്ധ്യായം കുറിച്ച 'കീം' ആദ്യ ഓണ്ലൈന് പരീക്ഷയുടെ ഫലം ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര് ബിന്ദു വാര്ത്താസമ്മേളനത്തിലാണ് പ്രഖ്യാപിച്ചത്.
ഒന്നാം റാങ്ക് ആലപ്പുഴ സ്വദേശി ദേവാനന്ദിന്. ആദ്യ 100 റാങ്കില് 13 പെണ്കുട്ടികളും 87 ആണ്കുട്ടികളും ഉള്പ്പെട്ടു. ഫലം വൈകാതെ വെബ്സൈറ്റില് പ്രസിദ്ധീകരിക്കും.
സംസ്ഥാനത്ത് ആദ്യമായി ഇത്ര വിപുലമായ രീതിയില് ഓണ്ലൈനായി നടത്തിയ പരീക്ഷയുടെ ഫലമാണ് പരീക്ഷ നടന്ന് കൃത്യം ഒരു മാസം പിന്നിടുമ്പോഴാണ് പ്രസിദ്ധപ്പെടുത്തിയത്. 79,044 (എഴുപത്തി ഒന്പതിനായിരത്തി നാല്പത്തിനാല്) വിദ്യാര്ത്ഥികളാണ് ജൂണ് അഞ്ച് മുതല് പത്തുവരെ ആറു ദിവസങ്ങളിലായി നടന്ന ആദ്യ 'കീം' ഓണ്ലൈന് പ്രവേശന പരീക്ഷയെഴുതിയത്.
സംസ്ഥാനത്ത് വിവിധ കേന്ദ്രങ്ങളിലും ന്യൂഡല്ഹി, മുംബൈ, ദുബൈ കേന്ദ്രങ്ങളിലുമായിരുന്നു പരീക്ഷ.79044 വിദ്യാര്ത്ഥികള് എഴുതിയ പ്രവേശനപരീക്ഷയില് 58340 പേര് യോഗ്യത നേടി. അതില് 52500 പേരാണ് റാങ്ക് പട്ടികയില് ഇടം പിടിച്ചത്. യോഗ്യത നേടിയവരുടെ എണ്ണം കഴിഞ്ഞ വര്ഷത്തെക്കാള് വര്ദ്ധനവുണ്ടായിട്ടുണ്ട്.
പട്ടികയില് ഉള്പ്പെട്ടവരുടെ എണ്ണത്തിലും 2829 പേരുടെ വര്ധനയുണ്ടായി. പരീക്ഷയെഴുതുകയും യോഗ്യത നേടുകയും ചെയ്ത ഏക ട്രാന്സ്ജെന്ഡര് വ്യക്തിയ്ക്ക് റാങ്ക് പട്ടികയില് ഉള്പ്പെടാന് കഴിഞ്ഞില്ല.
"
https://www.facebook.com/Malayalivartha
