അധ്യാപകരാകാനുള്ള സെന്‍ട്രല്‍ ടീച്ചര്‍ എലിജിബിലിറ്റി ടെസ്റ്റ് ഡിസംബര്‍ 15ന് . കേന്ദ്രസര്‍ക്കാറിന് കീഴിലുള്ള കേന്ദ്രീയ വിദ്യാലയങ്ങള്‍, നവോദയ വിദ്യാലയങ്ങള്‍, സെന്‍ട്രല്‍ തിബത്തന്‍ സ്‌കൂളുകള്‍, കേന്ദ്ര ഭരണപ്രദേശങ്ങളായ ചണ്ഡിഗഢ്, ദാദ്ര- നാഗര്‍ഹവേലി, ഡാമന്‍ ഡ്യൂ, അന്തമാന്‍-നികോബാര്‍, ലക്ഷദ്വീപ് എന്നിവിടങ്ങളിലെ സ്‌കൂളുകളിലും മറ്റും ഒന്നുമുതല്‍ എട്ടുവരെ ക്ലാസുകളിലാണ് 2024 ഡിസംബര്‍ 15ന് ദേശീയതലത്തില്‍ ടെസ്റ്റ് നടത്തും.

രണ്ട് പേപ്പറുകളാണ് പരീക്ഷക്കുള്ളത്. രണ്ടാമത്തെ പേപ്പര്‍ രാവിലെ 9.30 മുതല്‍ 12മണിവരെയും ഒന്നാമത്തെ പേപ്പര്‍ 2.30 മുതല്‍ അഞ്ചു മണിവരെയുമാണ്. വിശദവിവരങ്ങളടങ്ങിയ പരീക്ഷ വിജ്ഞാപനം https://ctet.nic.in/ ൽ​. സി.ബി.എസ്.ഇ ഡല്‍ഹിയാണ് പരീക്ഷ സംഘടിപ്പിക്കുന്നത്.

ഫീസ് ഒറ്റപേപ്പറിന് 1000 രൂപ. രണ്ട് പേപ്പറുകള്‍ക്കും കൂടി 1200 രൂപ മതി. എസ്.സി/എസ്.ടി/ഭിന്നശേഷി വിഭാഗക്കാര്‍ക്ക് യഥാക്രമം 500 രൂപ, 600 രൂപ എന്നിങ്ങനെ മതിയാകും. ജി.എസ്.ടി കൂടി നല്‍കേണ്ടതുണ്ട്. ഒക്ടോബര്‍ 16 വരെ ഓണ്‍ലൈനായി അപേക്ഷിക്കാവുന്നതാണ്

സി.ടെറ്റില്‍ പങ്കെടുക്കുന്നതിനുള്ള യോഗ്യതാ മാനദണ്ഡങ്ങള്‍ സൈറ്റില്‍ നിന്ന് ലഭ്യമാകും 'സി.ടെറ്റ്' പരീക്ഷാ ഘടനയും സിലബസും വിജ്ഞാപനത്തിലുണ്ട്. ഒന്നുമുതല്‍ അഞ്ചു വരെ ക്ലാസുകളിലേക്ക് അധ്യാപകരാകുന്നതിന് പേപ്പര്‍ ഒന്നിലും ആറുമുതല്‍ എട്ടുവരെ ക്ലാസുകളിലേക്ക് അധ്യാപകരാകുന്നതിന് പേപ്പര്‍ രണ്ടിലും യോഗ്യത നേടേണ്ടതാണ്.