പ്ലസ് ടു സേ, ഇംപ്രൂവ്മെന്റ് പരീക്ഷാ ഫലങ്ങള്‍ പ്രസിദ്ധീകരിച്ചു. dhsekerala.gov.in എന്ന വെബ്‌സൈറ്റിലൂടെ വിദ്യാര്‍ത്ഥികള്‍ക്ക് റോള്‍ നമ്പറും ജനന തീയതിയും ഉപയോഗിച്ച് പരീക്ഷാ ഫലം പരിശോധിക്കാനും ഡൗണ്‍ലോഡ് ചെയ്യാനും സാധിക്കും. റീവാലുവേഷന്‍ ആവശ്യമുള്ള വിദ്യാര്‍ത്ഥികള്‍ക്ക് dhsekerala.gov.in  എന്ന വെബ്‌സൈറ്റിലൂടെ അപേക്ഷിക്കാം. ഓരോ വിഷയത്തിനും 500 രൂപ റീവാലുവേഷന്‍ ഫീസും, 100 രൂപ സ്‌ക്രൂട്ടിനി ഫീസും, 300 രൂപ ഫോട്ടോകോപ്പി ഫീസും അടയ്ക്കേണ്ടതാണ്.

സേ പരീക്ഷാ ഫലം പരിശോധിക്കേണ്ട വിധം

ഔദ്യോഗിക വെബ്‌സൈറ്റായ dhsekerala.gov.in  സന്ദര്‍ശിക്കുക.
കേരള പ്ലസ് ടു സേ റിസള്‍ട്ട്‌സ് എന്ന ലിങ്കില്‍ ക്ലിക്ക് ചെയ്യുക.
റോള്‍ നമ്പറും ജനന തീയതിയും നല്‍കുക.
ഫലം സ്‌ക്രീനില്‍ തെളിയും.
ഫലം ഡൗണ്‍ലോഡ് ചെയ്ത് സൂക്ഷിക്കുക.
പ്ലസ് ടു സേ പരീക്ഷാ ഫലം പരിശോധിക്കാനുള്ള വെബ്സൈറ്റുകള്‍


keralaresults.nic.in
dhsekerala.gov.in/
result.kite.kerala.gov.in

ഫലം പരിശോധിച്ച ശേഷം വിദ്യാര്‍ത്ഥികള്‍ സ്‌കൂളില്‍ നിന്ന് അവരുടെ യഥാര്‍ത്ഥ മാര്‍ക്ക് ഷീറ്റ് കൈപ്പറ്റണം. 2025ലെ കേരള പ്ലസ് ടു സേ പരീക്ഷകള്‍ ജൂണ്‍ 23നും 27നും ഇടയിലാണ് നടന്നത്. 80,000 ത്തിലധികം വിദ്യാര്‍ത്ഥികള്‍ സേ പരീക്ഷ എഴുതിയിട്ടുണ്ടായിരുന്നു.