എസ്.എസ്.എൽ.സി പരീക്ഷ മാർച്ച് 5 മുതൽ 30വരെ നടത്തുന്നതാണ്. ഹയർ സെക്കൻഡറി, വൊക്കേഷണൽ ഹയർ സെക്കൻഡറി ഒന്നാം വർഷ പരീക്ഷ മാർച്ച് 5 മുതൽ 27 വരെ. രണ്ടാംവർഷ പരീക്ഷ മാർച്ച് 6 മുതൽ 28വരെ. ഇവയ്ക്കൊപ്പം 1-9 ക്ളാസുകളിലെ വാർഷിക പരീക്ഷയും നടത്തുമെന്ന് മന്ത്രി വി. ശിവൻകുട്ടി .

എസ്.എസ്.എൽ.സി പരീക്ഷ രാവിലെ 9.30ന് ആരംഭിക്കുന്നതാണ്. ഐ.ടി പരീക്ഷ ഫെബ്രുവരി 2 മുതൽ 13 വരെ. മാതൃകാപരീക്ഷ ഫെബ്രുവരി 16 മുതൽ 20വരെയായിരിക്കും.

ഐ.ടി മാതൃകാപരീക്ഷ ജനുവരി 12 മുതൽ 22വരെ. എസ്.എസ്.എൽ.സി ഫലപ്രഖ്യാപനം മേയ് 8ന്.ഹയർസെക്കൻഡറി ഒന്നാംവർഷ പരീക്ഷ ഉച്ചയ്ക്ക് 1.30നും രണ്ടാംവർഷത്തേത് രാവിലെ 9.30നും ആരംഭിക്കും.

വെള്ളിയാഴ്ച ദിവസങ്ങളിൽ രാവിലെ 9.15 മുതൽ ഉച്ചയ്ക്ക് 12വരെ. രണ്ടാംവർഷ പ്രായോഗിക പരീക്ഷ ജനുവരി 22ന് തുടങ്ങും. മേയ് 22ന് ഫലപ്രഖ്യാപനമുണ്ടാകും.

മാർച്ച് 5ന് തുടങ്ങുന്ന എസ്.എസ്.എൽ.സി പരീക്ഷ എഴുതുന്നത് 4,25,000 കുട്ടികൾ. ഗൾഫ്‌ മേഖലയിൽ ഏഴും ലക്ഷദ്വീപിൽ ഒമ്പതും ഉൾപ്പെടെ 3000ഓളം പരീക്ഷാ കേന്ദ്രങ്ങൾ. നവംബർ 12 മുതൽ 19വരെ പിഴയില്ലാതെയും നവംബർ 21 മുതൽ 26വരെ പിഴയോടു കൂടിയും അപേക്ഷിക്കാവുന്നതാണ്. ഏപ്രിൽ 7 മുതൽ 25 വരെയാണ് മൂല്യനിർണയം.

അതേസമയം ഹയർ സെക്കൻഡറിയിൽ ഒമ്പതു ലക്ഷത്തോളം വിദ്യാർത്ഥികൾ പരീക്ഷയെഴുതും.

കേരളം, ഗൾഫ്, ലക്ഷദ്വീപ് എന്നിവിടങ്ങളിലായി 2000ഓളം പരീക്ഷാ കേന്ദ്രങ്ങളുണ്ട്. സ്‌കോൾ കേരള മുഖേന അഡിഷണൽ മാത്തമാറ്റിക്സിന് രജിസ്റ്റർ ചെയ്ത 125 വിദ്യാർത്ഥികൾക്ക് മാർച്ച് 27ന്റെ ഒന്നാംവർഷ പരീക്ഷകളിലൊന്ന് രാവിലത്തെ സമയക്രമത്തിലും മറ്റേത് ഉച്ചയ്ക്കും നടത്തും.

ഹയർ സെക്കൻഡറി മാതൃകാപരീക്ഷകൾ ഫെബ്രുവരി 16 മുതൽ 26വരെ നടക്കും. ഫൈനില്ലാതെ നവംബർ 7വരെയും ഫൈനോടുകൂടി നവംബർ 13വരെയും സൂപ്പർഫൈനോടെ നവംബർ 25വരെയും അപേക്ഷിക്കാം. മൂല്യനിർണയം ഏപ്രിൽ 6ന് ആരംഭിക്കും. പരീക്ഷകൾ സംബന്ധിച്ച വിജ്ഞാപനം വരും ദിവസങ്ങളിൽ പുറത്തിറക്കുന്നതാണ്.