അമേരിക്കന്‍ സീരിയല്‍ ക്വാന്റിക്കോയിലെ മികച്ച അഭിനയത്തിന് ബോളിവുഡ് താരം പ്രിയങ്ക ചോപ്രയ്ക്ക് പീപ്പിള്‍സ് ചോയ്‌സ് അവാര്‍ഡ്. ഇതാദ്യമായാണ് ഒരു ദക്ഷിണേഷ്യന്‍ താരത്തിന് പീപ്പിള്‍സ് ചോയ്‌സ് അവാര്‍ഡ് ലഭിക്കുന്നത്.
എമ്മ റോബര്‍ട്‌സ്, ജാമി ലീ കര്‍ട്ടിസ്, ലീ മിഷേല്‍, മാര്‍ഷ്യ ഗേ ഹാര്‍ഡെന്‍ എന്നിവരെ പിന്തള്ളിയാണ് പ്രിയങ്ക അവാര്‍ഡ് കരസ്ഥമാക്കിയത്. ക്വാന്റിക്കോയില്‍ എഫ്ബിഐ ഏജന്റായാണ് പ്രിയങ്ക ചോപ്ര അഭിനയിച്ചത്. ഹോളിവുഡിലെ ഏറ്റവും ജനപ്രിയ താരത്തിന് ലഭിക്കുന്ന അവാര്‍ഡാണ് പീപ്പിള്‍സ് ചോയ്‌സ് അവാര്‍ഡ്.
അവാര്‍ഡ് ലഭിച്ചതില്‍ ഏറെ സന്തോഷവതിയാണെന്ന് പ്രിയങ്ക പ്രതികരിച്ചു. ഭാഗ്യം തന്നെ തുണച്ചു. തനിക്ക് വോട്ട് ചെയ്ത എല്ലാ ആരാധകര്‍ക്കും നന്ദി പറയുന്നതായും പ്രിയങ്ക ട്വിറ്ററില്‍ കുറിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha